روکپتی بلوچستان ءِ دمگ بیرجند ءَ مروچی یک شمبے ءِ سھب ءَ بیرجند بندیگ جاہ ءَ بندیگیں بلوچے کہ نشئہ باپاری ءِ بھتام ءَِدزگیر کنگ بیتگ ءُ پاھو دیگ بیتگ۔
پاھو دیگ بیتگیں مردم ءِ پجار”اسماعیل ء عطامھمد کہ زاھدان جھمنند اِنت۔
اھولانی رد ءَ آ سَے سال پیسر ءَ بیرجند ءَ شَست کِلو تریاک ءِ بَرَگ ءِ بھتام ءَ دزگیر کنگ بیتگ کہ ھمے شھر ءِ ایرانی انکلابی آمیدگس ءَ آئی ءِ سَر ءَ پاھو ءِ سزا داتگ اَت کہ مروچی آئی ءِ ھُکم پیلو کنگ بیتگ۔
روکپتی بلوچستان ءَ مردمانی پاھو دیگانی درچ یکشل ءَ برجاہ اَنت کہ گوستگیں لھتے ماھانی توک ءَ پاھو دیگانی توک ءَ گیشی گندگ اتکگ-
ستمبر ءِ ماہ ءَ کساس دَہ گیش مردم پاھو دیگ بیتگ اَنت ءُ گوستگیں دو ماھانی توک ءَ کساس پانزدہ مردم پاھو دیگ بیتگ اَنت کہ آیانی سر ءَ جتا جتائیں بھتام بیتگ اَنت-