چہ کراچی ءَ شانزدہ اکتوبر ءَ بیگواہ کنگ بیتگیں آ دگہ سرجمیں نودربر یل کنگ بیتگ اَنت وھدے کہ دو انگت بیگواہ ءَ اِنت-
گیشیں ھالانی رِد ءَ شانزدہ اکتوبر ءَ کراچی ءِ دمگ چہ بشیر ولیج ءَ پاکستانی پوج ءِ دستاں بیگواہ کنگ بیتگیں کمبر بلوچ، سعید اللہ، بیبگر، اشفاق، ذیشان، ءُ زبیر مروچی آجو بیتگ اَنت – وھدے کہ آیانی گوم ءَ بیگواہ کنگ بیتگیں جاوید ءُ حنیف انگت بیگواہ اَنت –
اے مردم پاکستانی پوج ءَ کراچی ءَ یک کمرھے ءِ سر ءَ بیڑبرتگ ءُ آوار جتگ اِت اَنت آیانی زورانسری آوار جنی ءِ ھلاپ ءَ کراچی یونیورسٹی ءِ سنگتیں نودربراں زھرشانی ئیں روانک ھم کش اِتگ اَت-
بلوچستان ءُ کراچی ءَ چیزے روچانی چہ زورانسری آوار جنی ءِ تہ ءَ گیشی گندگ آیگ ءَ اِنت آیانی ھلاپ ءَ بلوچ یکجھتی کمیٹی ءَ سرجمیں بلوچستان ءَ زھرشانی ئیں زرمبشت ءِ برجم دارگ جار ھم جتگ-