شال ءُ ھُزدار ءَ سلاہ بندیں مردماں بمب اُرش کتگ

بلوچستان ءِ دو جتاجتائیں دمگ شال ءَ پاکستانی کینٹ ءُ ھُزدار ءَ ایگریشن کارگس سر ءَ ناشناسیں سلاہ بندیں مردماں بمب اُرش کتگ-

ھُزدار ءَ کراچی دگ سر ءَ ایگریشن کارگس سر ءَ ناشناسیں سلاہ بندیں مردماں دستی بمب اُرش نشانگ کتگ-

اُرش ءَ دو مردم ٹپی بیگ ھال اِنت- تراک ءَ پد پاکستانی پوج ءَ شھدگ بند کتگ پٹ پول برجاہ کتگ-

ھمے وڑ بلوچستان ءِ بُنجاھی شھر شال ءَ برجاھیں پاکستانی پوج کینٹ سر ءَ ناشناسیں سلاہ بندیں مردماں بازیں مارٹر گولہ آس داتگ کینٹ ءِ تھی بھر تہ ءَ کپتگ تُرندیں تراکے ءَ گوں ترکّ اِتگ-

اے میان ءَ شھر ءَ دیر دیر ءَ تاں تراکانی توار اش کنگ بیتگ اَنت-

شال پولیس ءَ مارٹر اُرش راست کتگ گوشتگ کہ یک مارٹرے ماڈل نزیک لین کمبہ ءَ چہ ڈک وارتگ چریشی ءَ چہ شھر ءِ جتاجتائیں ھندانی سر ءَ لین شتگ اَنت-

بلے پوج ءِ واکدار اُرش ءَ ھچ وڑیں جانی تاوان ھال دیم نیاورتگ-

دوئیں اُرشانی زمہ واری انگت ھچ گل ءَ نہ زرتگ اَنت-