روکپتی بلوچستان ءِ دمگ راسک ءِ ھند پیشن شھر ءَ پجار نبوتگیں سلاہ بندیں مردماں بلوچ ورنایے ءِ سر ءَ تِچکیں تیرگواری کُرتگ ءُ کُشتگ۔
کُشگ بیتگیں مردم ءِ نام اویس ء ابدالزیز انت کہ آ پیشن ءِ جھمنند انت۔
کُشگ ءِ سوب ءُ کاتلانی پجار زانگ نبیتگ۔
زانگ بہ بیت روکپتی بلوچستان ءَ یکشل ءَ اے دابیں وئیل پیش آیگ ءَ انت کہ ایشانی سبب زانگ بوگ ءَ نہ اَنت چریشانی سبب ءَ بازیں کچے ءَ ھمک روچ مردم جانی تاوان بوگ ءَ اَنت-