رودراتکی ءُ روکپتی بلوچستان ءِ سیمسری ھند تپتان ءَ سَے مردم ایرانی لشکر ءَ آوار جتگ اَنت-
گیشیں اھوالانی رد ءَ تپتان ءِ ھند کوتہ ءَ ایرانی لشکر ءَ سَے مردم آوار جتگ ءُ برتگ اَنت-
آوار جنگ بیتگیں مردمانی پجار ملا داؤد، کریم بکش کرد تمدانی ءُ ھاجی نزر ءِ ناماں زانگ بیتگ اَنت-
اھوالانی رد ءَ اے مردماں گوستگیں روچ ءَ دمگ ءَ تراکناکیں شوروانی سبب ءَ دیوان کتگ بیتگ کہ چریشی ءِ آسر ءَ ھرسئیں مردم آوار جنگ ءُ برگ بیتگ اَنت-
آیاں گوشتگ دمگ ءَ شوروانی تراک ءَ جنگل ءُ جانوراں ھوار دگہ چیزاں تاوانباری انت چریشی ءِ سبب ءَ ایشانی دارگ ءِ ھاتر ءَ دمگ ءِ مردم برانزی دیوان کتگ بیتگ-