ایران ءِ اُستان کرمان ءِ دمگ جیرپت ءِ زندان ءَ ایرانی آمیدگس ءِ ھکم ءَ یک بندیگیں بلوچے پاھو دیگ بیتگ-
پاھو دیگ بیتگیں مردم ءِ نام مھمد ء کرامت اِنت کہ آ جیرپت ءِ دمگ مینچیل میتگ ءِ جھمنند اِنت۔
اھوالانی رد ءَ مھمد ھشت سال پیسرا نہ کُرتگیں کوش ءِ بھتام ءَ دزگیر کنگ بیتگ۔ مھمد ءَ مدام آمیدگس ءَ وتی سر ءَ جتگیں بھتام نہ منّ اتگ اَنت ءُ وتی بے میاری ءِ جار جتگ ، چُش کہ آمیدگس ءَ ھم ھیچ وڑیں سبوت نبیتگ کہ مھمد کاتل اِنت۔آئی ءَ کھول ءَ زی آئی ءِ گوم ءَ گُڈی گِند ءُ نند کتگ اَت۔ آئی ءِ سر ءَ جتگیں پاھو ءِ ھُکم مروچی پیلو بیتگ۔
زانگ بہ بیت سال 2024 ءَ تنی وھدی 34 بلوچ ایرانی آمیدگس ءَ پاھو داتگ اَنت کہ ایشانی تہ ءَ 27 مردم نشہ باپاری ءِ بھتام ءُ 7 مردم کوش ءِ بھتاماں پاھو دیگ بیتگ اَنت-