بلوچستان لبریشن فرنٹ ءِ جارکش میجر گوھرام بلوچ ءَ رسانکدر ءَ وتی شنگ کتگیں درشانے ءَ گوشتگ کہ آواران ءِ ھند بزداد ءُ کیچ ءِ ھند زامران ءَ سرمچاراں زورگریں پاکستانی پوج ءِ چوکیانی نشانگ کتگ چریشی دو کارمند مرتگ ءُ یکے ٹپی بیتگ۔
جارکش ءَ گوشتگ کہ یک شمبے ءِ روچ ءَ بیست اکتوبر ءِ بیگاہ ءِ چار ءَ زامران ءِ ھند ڈیلکک ءَ برجاھیں پاکستانی پوج ءِ چوکی ءِ سر ءَ اُرش کتگ۔ اُرش ءِ آسر ءَ زورگریں پوج ءِ یک کارمندے مرتگ ءُ یکے ٹپی بیتگ۔
جارکش ءَ گوشتگ کہ دوشمبے بیست ءُ یک اکتوبر ءِ بیگاہ ءِ سے ءَ سرمچاراں آواران ءِ ھند بزداد گندہ کور ءَ برجاھیں پاکستانی پوج ءِ چوکی گوں اسنائپر اُرش ءَ نشانگ کرتگ یک پوجی کارمندے مرتگ۔
میجر گوھرام بلوچ ءَ گوشتگ بی ایل ایف اے دوئیں اُرشانی زمہ واری منّ اتگ ءُ گوشتگ کہ داں زورگریں پاکستانی پوج ءِ سرجم ءَ در آھگ ءَ پوج ءُ آئی شوربندیاں نشانگ کن ایں۔