بیرجند ءَ ایرانی ریاست ءِ بنجاھی بندیگ جاہ ءَ بلوچ ءِ مرچی دو شمبے ءِ سُھب ءَ پاھو دیگ بیتگ۔
پاھو دیگ بیتگیں مردم ءِ پجار ھمید ء اباس زھکلوت جھمنند اِنت۔
گیشیں ھالانی رد ءَ ھمید ھشت سال پیسرا لشکری کارمندے کُشگ ءِ بھتام ءَ دزگیر کنگ بیتگ اَت کہ آئی ءَ اِسپیت ریش ءُ سردارانی گِرگ ءَ پد مرتگ ءِ لشکری کارندہ ءِ کھول ءَ را ھون ءِ بھا ھم داتگ ءُ پیسلہ اِش کتگ ءُ چونائاں ھم آئی ءَ مدام کازی ءِ گُرا وتی بے میاری ءِ جار جتگ بلے آمیدگِس ءَ آئی ءِ ھبر مان نیارتگ ءُ آئی ءِ سر ءَ پاھو ءِ سزا داتگ کہ مروچی سھب ءَ پاھو دیگ بیتگ۔
زانگ بہ بیت روکپتی بلوچستان ءَ مردم بازیں کچے ءَ پاھو دیگ بوگ ءَ اَنت کہ آیانی سر ءَ ایرانی آمیدگس نشہ واپاری ءُ کوش ءُ دگہ دگہ بھتامانی پژدر ءَ پاھو ءِ سزا ءَ بندگ اِنت-
گوستگیں روچ ءَ بیرجند ءِ زندان ءَ یک مردمے پاھو دیگ بیتگ ات کہ آئی ءِ پجار بھمن شئیک ھسینی مناپ ءِ نام ءَ زانگ بیتگ ات-