گوستگیں روچ ءَ کراچی پریس کلب ءَ زھرشانی ءِ وھد ءَ دزگیریں بی وائی سی ءِ ڈپٹی آرگنائزر لالا وھاب بلوچ گوں ھمراھاں آمیدگس ءَ یل داتگ-
وائس فار بلوچ مسنگ پرسنز ءِ رھشون سمی دین ءِ رد ءَ زھرشانی ءِ وھد ءَ بلوچ یکجھتی کمیٹی ءِ ڈپٹی آرگنائزر لالا وھاب بلوچ، عطا اللہ بلوچ، سیف بلوچ، بابل بلوچ، ءُ آفتاب بلوچ دزگیر کنگ ءُ پولیس اسٹیشن ءَ برگ بوتگ اَنت۔ پد ءَ گوستگیں شپ ءَ ناشناسیں جاھے ءَ برگ بوتگ اَنت ءُ نیم شپ ءَ پد ءَ تھانہ ءَ آرگ بوتگ اَنت۔
سمی دین ءَ گشتگ کہ آ مرچی سھب ءَ مجسٹریٹ ءِ دیم ءَ پیش کنگ بوتگ، اود یَ وکیل ءَ اے بنگپ زرتگ کہ پولیس ءَ لالا وہاب ءُ دگہ ھمراھانی ھلاپ ءَ دروگیں کیس درج کتگ ءُ پرامن زھرشانی کنوکاں ٹارچر ءُ دزگیر کتگ انت۔ آمید گس ءِ کارروائی ءَ پد درستیں کیس رد کنگ بوتگ انت ءُ دزگیریں مردم یل کنگ بوتگ انت۔