کراچی ءَ بلوچ یکجھتی کمیٹی ءِ زھرشانی ئیں روانک میان ءَ دزگیریں کارکن پولیس ءَ ناشناسیں ھندے ءَ برتگ اَنت-
بلوچ یکجھتی کمیٹی ءِ آرگنائزر ماہ رنگ بلوچ رِد ءَ بلوچ یکجھتی کمیٹی ءِ ڈپٹی آرگنائزر لالا وھاب بلوچ، پنچ دگہ سنگتانی ھمراھی ءَ بیگواہ کنگ بیتگ اَنت کہ آ مروچی کراچی پریس کلب دیم ءَ لَٹ کُٹانی نشانگ کتگ اَنت ءُ سرجمیں روچ ءَ بید ایف آئی آر ءَ بندیگجاہ ءَ بند کتگ اَنت کہ نو آ تھانہ ءَ چہ بیگواہ کتگ اَنت-
وسیلگ رِد ءَ دزگیریں کارکن تاں ساھت نُھ ءَ پولیس اسٹیشن ءَ ساڑی بیتگ اَنت پد ءَ ناشناسیں ھندے ءَ برتگ اَنت-
گوستگیں روچ ءَ بلوچ یکجھتی کمیٹی ءَ کراچی ءَ ھوار چہ بلوچستان ءَ زورانسری آوار جنی گیشی ءِ وئیل ءُ ھمے ماہ ءَ شست نزیک ءَ مردمانی زورانسری آوار جنی ءِ ھلاپ ءَ زرمبشتے برجم دارگ جار جتگ کہ آئی ءِ بندات مرچی کراچی بیگی بیتگ-
بلوچ یکجھتی کمیٹی ءِ نیمگ ءَ چہ کراچی پریس کلب دیم ءَ برجم داشتگیں زھرشانی ئیں روانک سر ءَ سندھ پولیس ءَ بیڑبرتگ، پولیس بازیں زھرشانی کنوک لَٹ کُٹانی نشانگ کتگ ءُ دزگیر کتگ اَنت-