ناشناسیں مردماں زالبول ءُ آئی ءِ مرد کشتگ اَنت-
بلوچستان ءِ باپاری شھر چہ ھب چوکی ءَ ھالانی رِد ءَ ھب ءِ دمگ اکرم کالونی ءَ ساڑی یک لوگے ءِ تہ ءَ زالبولے ءَ ھوار دو مردم ءِ لاش دزکپتگ اَنت-
ھب پولیس ءَ لاش دستیگ کتگ ءُ پوسٹ مارٹم واستا سول نادُراھجاہ ءَ برتگ اَنت-
پولیس رِد ءَ وئیل ءَ کُشگ بیتگیں دوئیں مرد زال ءِ سیادی بلوچستان ءِ دمگ آواران ءِ ھند جھاؤ ءَ اِنت کہ چیزے ماہ ءَ ساری دوستی آروس کنگ ءَ پد ھب ءَ اتکگ ءُ جھمنند بیتگ اَنت-
ھب پولیس رِد ءَ میاربار لوگ تہ ءَ پُترتگ زالبول ءُ آئی ءِ لوگ واجہ کشتگ ءُ تتکگ اَنت- گیشیں پٹ پول برجاہ ءَ اِنت-