روکپتی بلوچستان ءِ دمگ زاھدان ءُ ھاش ءِ شھدگ ءَ دھپابید ھند ءَ مروچی یک شمبے روچ ءَ سھب ءِ چار ءَ ، دو سواری ءِ گاڑی پژو پارس ءُ پژو ۴۰۵ ءِ نیام ءَ ڈک ورگ ءِ سوب ءَ یک مردمے بیران ءُ دو ٹپی بیتگ اَنت۔
بیران ءُ ٹپیگ ءِ مردمانی پجار زانگ نبیتگ ، لھتے وسیلگ ءِ رد ءَ پژو پارس ءَ سواریں مردم شستون ءِ جھمنند ءُ یکیں کھول ءِ مردم بیتگ اَنت دومی گاڑی ءَ سوار ءِ یکے مردم تیل کشے بیتگ ۔
اے وئیل ءَ بیران ءُ ٹپیگ بیتگیں مردم پہ درمان ءُ چار ٹپاس ءَ زاھدان نادراہ جاہ ءَ برگ بیتگ اَنت۔
سراوان ءَ سلاہ بندیں مردمانی تیرگواری ءَ مردمے بیران بیتگ۔
ھمے ڈول ءَ زیک شمبے روچ ءَ سراوان ءَ پرپٹ سوار ءِ پجار نبوتگیں سلاہ بندیں مردماں یک مردمے ءِ سَرا تِچکیں تیرگواری کُرتگ ءُ کُشتگ۔
بیران بیتگیں مردم ءِ پجار” کادر بکش گمشاد زھی”ء مھمد اِنت کہ سراوان ءِ جھمنند زانگ بیتگ۔
ھالکار ءِ رد ءَ آں زیک وتی لوگ ءِ دپ ءَ اوشتاتگ اَت کہ دو پرپٹ ءَ سوار ءِ چار سلاہ بندیں مردماں آں نشانگ کُرتگ ءُ تِچکیں تیرگواری کُرتگ کُشتگ۔
دا ھال ءِ جوڑ کنگ وھد ءَ کُشگ ءِ سوب ءُ کاتلانی پجار زانگ نبیتگ۔