کراچی پریس کلب ءِ دیم ءَ بلوچ یکجھتی کمیٹی ءِ باسکانی سر ءَ پولیس ءِ زوراکی، زھرشانی کنوکیں مردم دزگیر کنگ بیتگ اَنت-
کراچی پریس کلب ءِ دیم ءَ بلوچ یکجھتی کمیٹی ءِ نیمگ ءَ برجم داشتگیں زھرشانی مچی ءِ سر ءَ سندھ پولیس ءَ اُرش کُتگ۔
پریس کلب ءِ نیمگ ءَ روگ ءِ راہ پولیس ءِ نیمگ ءَ پریس کلب ءِ کش ءُ گوراں مزنیں ٹولی ایر کنگ ءَ سیل کنگ بوتگ اَنت، وھدیکہ بلوچ یکجھتی کمیٹی کراچی ءِ آرگنائزر لالا وھاب بلوچ ءُ دگہ بازیں مردمانی دزگیر کنگ ءِ ھال ھست۔
زانگ بہ بیت گوستگیں روچ ءَ کراچی ءَ ھوار بلوچستان ءَ چہ زوراکیں بیگواھی ءِ گیش بوھوکیں وئیل ءُ اے ماہ ءِ نزیک ءَ 60 مردمانی بیگواہ کنگ ءِ ھلاپ ءَ زھرشانی ءِ جار جتگ اَت کہ مرچی چہ کراچی ءَ بندات کنگ بوتگ اَت۔
بلوچ وائس فار بلوچ مسنگ پرسنز ءِ سمی دین بلوچ ءِ گشگ انت کہ پولیس ءَ مئے آیگ ءَ پیسر کراچی پریس کلب ءِ دیم ءَ مئے زھرشانی ءِ دارگ ءِ ھاترا مزنیں کارندہ آورتگ ءُ ایر کتگ انت، وھدیکہ مئے آیگ ءَ پد دگہ مردماں زھرشانی کنگ ءِ اجازت بوتگ ات پمیشکا پولیس ءَ دراھی سڑکاں
کراچی پریس کلب ءِ دیم ءَ بلوچ یکجھتی کمیٹی ءِ زھرشانی انگت برجاہ اِنت۔