زھرشانی کنوکاں گاڑی اوشتارینتگ اَنت شھدگ ھرچ وڑیں روگ آیگ واستا بند کتگ اَنت-
چہ دالبندین ءَ ھالانی رِد ءَ پاکستانی پوج ایف سی نیمگ ءَ چہ ٹرالر گاڑیانی دارگ، ڈرائیوراں دلسیاہ کنگ ءَ ھوار زر گرگ ءُ زوراکیاں چہ دلسیاھیں ٹرانسپورٹراں نندانک داتگ-
ایف سی ءِ ناجائز ٹریلر گاڑیانی گرگ ءِ ھلاپ ءَ گاڑیانی واھننداں آر سی ڈی شھدگ بند کتگ چریشی ءَ چہ گاڑیانی دراجیں لین لگ اِیتگ، وھدے کہ نندانک ءِ ھند سر ءَ ایف سی ءُ زھرشانی کنوک دیم پہ دیم بیتگ اَنت-
زھرشانی کنوکانی لوٹ اِنت کہ اگاں دالبندین انتزامیہ فورس ءِ زوراکیانی گامگیج زیگ ءَ رد ءُ بند نہ کنت گُڑا ما وتی گاڑیاں اوشتارین ءِ ھمے ھند سر ءَ نندانک دے ایں ءُ آئی ءِ زمہ واری دالبندین انتزامیہ سر ءَ بیت-
داں گُڈی ھالاں تاں دالبندین شھدگ بند کتگ وھدے کہ بازیں گاڑی پس اِتگ اَنت-