بلوچ لبریشن آرمی ( بی ایل اے) ءِ میڈیا ونگ ھکل ءَ کراچی اُرش ءَ فدائینانی تامر شنگ کتگ –
تامر بند ءِ بنداتی بھر ءَ بی ایل اے ءِ مجید برگیڈ ءِ فدائین پوجی ھیلکاریاں کنگ ءَ گندگ بنت اِنت، مجید برگیڈ ءِ یونیفارم ءَ پوشاکداریں نوکتریں سلاھاں ‘فدائین’ جتا جتائیں ھیلکاریانی ھواری ءَ آر پی جی ءُ دگہ سلاھاں ھیلکاری پیشدارگ بیتگ اَنت- ھمے ڈول ءَ گوادر، کراچی ءُ دگہ ھنداں کاروائی کنوکیں مجید برگیڈ ءِ باسک پیشدارگ بیتگ اَنت-
تامر بند ءَ سَے فدائی اُرشکار براھوئی، بلوچی ءُ انگریزی زباناں تامربندی کلوہ دیان ءَ گوشدارگ بیت اِنت-
تامربند ءَ کلو دیان ءَ براھوئی زبان ءَ فدائی شاہ فھد، بلوچ راج ءِ نام ءَ کلوہ دیان ءَ گوش ایت اے زمین ءَ گوں مھر اِنت، ماتیں وتن ءِ توار اِنت، بلوچ راج ءِ پجار ءِ جنگ اِنت، بلوچ راجی زانشت ءَ من ءَ اے جاہ ءَ سر کتگ کہ پاکستان ءُ چین ءَ چُٹگ ءِ واستا فدائی ءَ ابید دگہ ھچ راہ نیست اِنت- منی باتن، منی سسا، منی سما، منی گیرت ءَ من ءَ ھروھد ءَ توار جتگ، من ءَ ھکل دیگ ءَ اِنت کہ دشمن وتی سرجمیں تاکت ءِ ھمراھی ءَ اُرشکار اِنت ءُ دشمن ءَ تاکت ءِ گون ءَ پسو بہ دے – منی راج ءِ ورنایاں، مروچی مئے ورنا، مئے گوھار اے راہ ءَ کربان بوگ ءَ اَنت گڑا پرچا چارگ ءَ انت چی ءِ ودار اِنت داں کدین ءَ ما اے زُلم ءُ زوراکی، اے مات ءُ گوھارانی چیھالاں گوشداریں ءُ وتی چمانی چیر ءَ داریں بزدلی ءِ زندگی ءَ ھم مرگ ءَ آیگی اِنت گڑا پرچا ما بھادری، زانشتی، سسا کاری ءِ ھمراھی ءَ دشمن ءَ را ھنچیں ڈکے بہ جن ایں کہ کسے دیم ءَ بلوچ ءُ بلوچستان ءِ زورگری ءِ گپ دوری یے کسے اے بارو ءَ چُرت مہ جنت اِنت – اے جنگ مئے آیوکیں باندات ءِ جنگ اِنت- مارا چہ پیش، دومی فدائی ھمراہ کندان ءَ کربان بوتگ اَنت کہ آ اے اُمیت ءَ آیوکیں ورنا مئے توپک ءَ کپگ ءَ نئیل اَنت-
شاہ فھد گوش ایت کہ ھمے امیت ءِ ھمراھی ءَ من پیسلہ کتگ کہ باندا ءَ وتی زمین ءِ واستا، آیوکیں باندات ءِ واستا کربان باں گڑا بلوچ ورنا اے توپک ءَ کپگ ءَ نئیل اَنت، آ ایشی ءَ چِست کن اَنت، اے جنگ مئے آجوئی ءِ باندات اِنت، مئے پجار ءِ جنگ اِنت، اے دنیا ءَ مئے پجار ءِ جنگ اِنت- مروچی اگاں ما اے جنگ ءِ بھر نہ بوت ایں گڑا اے جنگ ءَ ما وت پشت ءَ داشتگ، گڑا باندات ءَ دنیا ءَ مئے نام ءُ نشان گار بیت اِنت – اے جنگ ءِ مول ءُ مراد بس ایش اِنت کہ مئے پجار زندگ بہ بیت اِنت من وت کربان باں بلے منی کربانی ءِ مول اے نہ اِنت ایوک ءَ منی کربانی ءَ آجوئی رس ایت بلے منی کربانی ءَ مئے دشمن کمزور بیت اِنت، مئے گھگیری مھکم تر بیت اِنت-
شاہ فھد گوش ایت کہ اے فدائی اُرش ءِ مول ءُ مراد ایش اِنت ما وتی جنگ ءَ مھکمی کاریں ءُ ایشی ءَ چہ دشمن نیزور بیت اِنت – مارا دشمن نیزور کنگی اِنت، مازگی چُرتی کنگی اِنت،مارا دشمن گنوک کنگی اِنت، اے یک دراجیں جنگے، ایشی ءَ ھزارانی ساہ ببا بنت اِنت، ھزاراں فدائین بنت اِنت پد ءَ آجوئی رس ایت اے جنگ ءَ اوپار داری درکار اِنت- درستاں گیش مارا اوپار داری درکار اِنت کہ اے جنگ ءَ دیم ءَ بارت اِنت مروچی من آں باندا منی جاہ ءَ دگرے بیت اِنت اے وتی بنکی مِنزل ءَ سر بیت اِنت- ھمے جنگ کہ برجاہ اِنت ایشی ءِ بارو ءَ مارا جیڑگی اِنت، وتی راج چارگی اِنت، مئے مردم در پہ در اَنت، مئے گوھار دگانی سر ءَ در پہ در اَنت -کہ سَے سَے ماھاں وتی بیگواھیں براتانی واستا زھرشانی نندانک دے اَنت، کسے ءِ پت، کسے ءِ برات ءُ کسے ءِ زھگ بیگواہ اِنت- گڑا اگاں ما وتی زات ءَ داں بوتیں گڑا یک مزنیں ناانساپی یے بیت اِنت، اے نا انساپی مارا کنگی نہ اِنت مارا وتی جند ءَ درکپگی ءُ جیڑگی اِنت کہ چی بوگ ءَ اِنت، اے ریاست ءِ دیم ءَ مئے چی بستار اِنت مارا وتی دشمن زانگ لوٹ ایت – وھدیکہ ما وتی زات ءَ درکپتیں، زاتی زندگی کہ مئے چماں بستگ وھدیکہ ما ایشی ءَ کش ایں گڑا درستیں چیز مئے دیم ءَ پدر بنت اِنت چی بوگ ءَ اِنت ءُ ما چی کنگ ءَ ایں مارا کربان بوگی اِنت-
شاہ فھد گوش ایت کہ منی ھمے کلوہ اِنت بلوچ راج ءِ واستا، ورنایانی واستا، گوھارانی واستا آ بیا اَنت اے جنگ ءَ وتی بھر ءَ بہ ھوارین اَنت اے جنگ ءِ توک ءَ ترندی بیار اَنت، ھمینکس ھمراہ اے جنگ ءَ ھوار بیت اِنت ھمینکس اے جنگ ترند بیت اِنت ، ھمینکس ما دشمن ءَ گنوک کن ایں، آئی ءَ ما مازگی نادراہ جوڑ کن ایں، ھمینکس ما بھر زیریں، ھمینکس ما وتی منزل ءِ نزیک ءَ بہ ایں-
تامر بند ءَ دگہ یک فدائی سھیل بلوچ گوش ایت کہ گوستگیں ھپتاد ءُ پنچ سالاں ما پاکستان ءِ گلامی ءِ چیر ءَ زندگ اِنت، اے ھپتاد ءُ پنچیں سالاِ بلوچ راج ءِ سر ءَ چتوریں زُلم ءُ زوراکی بیتگ اَنت، کہ پاکستان ءَ مارا نہ چکاس اتگ آئی ءِ زُلم ءِ سبب ءَ ما کوھ وتی گس جوڑینتگ ءُ وتی براتانی ھمراہ بوتگ اِنت – ما نا روچ چار اتگ ءُ ناکہ شپ، ما مولم، نا درد ءُ رنج، اے درست ما وتی بلوچ راج ءُ سرڈگار ءِ واستا اوپار کتگ اَنت- ھمے سرڈگار ءِ آجوئی ءِ واستا ھما گام مارا چست کنگی بیتگ ما چست کتگ ءُ ھمے سرڈگار ءِ واستا مارا چہ پیش مئے سنگتاں مجید برگیڈ ءَ ھوار بیتگ اَنت، آیاں کربانی داتگ، وتی ھون سرڈگار ءُ بلوچ راج ءِ واستا ریتکگ اَنت مروچی ھمایانی رندپداں ما آیانی توپک چِست کتگ-
سھیل بلوچ گوش ایت ما ھمے ڈول ءَ مجید برگیڈ ءِ کاروان ءِ ھمسپر بیتگ اںت ، ما ھم آئی ءِ بھر بیتگ انت، ما اے جاہ ءَ سر بوتگ اِنت کہ وتی سرڈگار ءُ بلوچ راج ءِ واستا ھمے سرڈگار ءِ واستا استاد اسلم ءَ وتی زھگ کربان کتگ، زھگ ءِ کربانی یکدم ترندین گامگیجے- یک انسانے ایشی ءِ سر ءَ بہ جیڑ ایت باز ترندیں گامگیجے، بلے استاد اسلم ءَ اے سرڈگار ءِ واستا ءَ پشت نہ کنز اتگ ریھان اسلم ءَ یک راھے پچ کتگ مروچی درستان درستاں اے سرڈگار ءُ راج ءِ واستا وت ءَ کربان کرتگ ما چاریں کہ آیاں وتی سرڈگار ءِ گپتگ آیاں وتی ھون ریتکگ ءُ سرڈگار گپتگ اَنت اگاں وتی ھون نہ ریتکگ ات اَنت گڑا آیاں وتی سرڈگار گپت نہ کتگ اَنت ھمایاں کہ بنگالی نیزور سرپد بیتگ انت کہ دَہ ھزار بنگالی باگیاں یک شپے ءَ ھلاس کن ایں بلے ناپاکیں پوج ءِ چی آسر بیت نود ھزار پوجیانی شلوار بنگالیاں کش ات اَنت- من وتی دراھیں بلوچاں گوشگ لوٹ آں کہ اے جنگ ءِ بھر جوڑ بہ بیت، وتی براتانی ھمراہ بہ بہ ئے،مجید برگیڈ ءِ بھر جوڑ بہ بہ ئے، وتی سرڈگار ءَ اچ پنجاپی ریاست ءَ واتر دست بہ گر ات مئے درستانی راہ مجید برگیڈ اِبت اگاں کسے بلوچستان ءِ آجوئی ءِ وشھالی ءَ لوٹ ایت گڑا درستیں چیزاں مجید برگیڈ ءِ گون ءَ بندوک بہ کنت اِنت، ایشی ءِ بھر جوڑ بہ بیت، تئی سیندک بچ ایت،تئی ریکوڈک بچ ایت،تئی گوادر بچ ایت ءُ بلوچ ءِ دراھیں چیز ھمیشاں گوں بندوک اَنت-
آ گوش ایت جوانتی ھمیش اِنت ما دیم ءَ بہ جنز ایں، گھگیری بہ کن ایں مھلوک ءَ ھمے گوشگ لوٹ آں کہ زاتی واھشتاں ھلاس بہ کن ات، دانکہ سرڈگار گلام اِنت ما واھشتاں چی کن ایں، مارا وھشت ناں بلکیں سرڈگار درکار اِنت مئے ھم زھگ ھست اَنت، مئے ھم پت ءُ مات ھست اَنت بلے مارا درستیں واھشت ھلاس کنگی اَنت کہ سرڈگار گلام اِنت مارا اے گلامی، پنجابی ریاست ءَ چُٹگ ءَ گھگیری ھمیشی ءِ نام اِنت ، اَچ وتی لوگاں در بیا ات، وتی براتانی ھمراہ بہ بیت اے تکلیپ ءُ بدھالی یے بلے تئی سرڈگار نہ رک ایت ھما دود ءُ دودمان، ھما زبان ءِ ھلاس کنگ ءَ مروچی پنجاپی جھد ءَ اِنت گڑا ھمے دود ءُ دودمان ءُ زبان ءِ پھریزگ ءَ مارا ھرچ گام چِست کنگی اِنت کہ پنجابی مئے پجار ءِ ھلاس کنگ ءِ جھد ءَ اِنت بلے ما وتی پجار ءِ ھلاس کنگ ءَ پنجاپی ءَ یلو نہ کن ایں پنجابی ءَ مئے ھچ درکاری نہ اِنت ، مروچی مئے مات ءُ گوھار، برات ءُ کماش دگانی سر ءَ اَنت، آ اسلام آباد ءَ داں شتگ اَنت، پنجابی ریاست ءَ اے تچک کتگ کہ مارا بلوچ راج ءِ درکاری نہ اِنت بلکیں بلوچ راج ءِ مڈی درکار اَنت، زر ءُ مڈیانی پھریزگ ءَ مارا ھرچ گام، ھرچ پیسکی کنگی اِنت ، ما چِست کن ایں، پرچا بلوچ سرڈگار ھرچ رنگ ءَ اَچ پنجابی ءَ چٹینگی اِنت مجید برگیڈ ءَ ھمینکس ھمراہ ھوار بیتگ انت، کربان بوگ ءَ آیاں وتی کلوہ داتگ کہ وتی چماں پچ بہ کن ات، اے زُلم ءُ زوراکیاں بہ چار ات کہ پنجابی ناشریں ریاست مئے سر ءَ کنگ ءَ اِنت- اے درستانی دیم ءَ اَنت آیاں بلوچ راج ءِ واستا ھچ یل نہ کتگ ، آئی ءَ نا کسان سالیں زھگ اِشتگ اَنت، ناں مات، ناں گوھار، نا برات، اے درستانی چمانی دیم ءَ گران کتگ ءُ برتگ اَنت ءُ وتی لٹ شاپی زنداناں بندیگ کتگ اَنت، من وتی مات، گوھار، براتاں ھمے کلوہ ءَ دیاں کہ بیا ات اے جھد ءِ بھر جوڑ بپ بیت، وتی براتانی باسک جوڑ بہ بیت ءُ مجید برگیڈ ءِ کاروان ءِ بھر جوڑ بہ بیت-
آ دیمتر ءَ گوش ایت مروچی پاکستان وتی زُلم ءُ زوراکیاں مئے مات ءُ گوھارانی گشاں یل نہ کنت، ھمے ڈول ءَ اسلام آباد ءَ شما دیستگ کہ کجام رنگ ءَ مئے مات ءُ گوھارانی وش اھتی بیتگ، کجام رنگ ءَ آیانی گون ءَ پیش اتکگ اَنت، اے درست سرجمیں دنیا ءَ دیستگ اَنت، مروچی پنجابی مئے سر ءَ زورگر انت کہ آئی ءَ زُلم ءُ زوراکی ءَ مئے سر ءَ زورگری کتگ، مئے مات ءُ گوھار اسلام آباد ءَ شتگ انت گڑا آیاں وت وتی پنجابء ریاست ملامت کن اَنت بلوچانی سر ءَ چونیں زُلم ءُ زوراکی بوگ ءَ اَنت – ھمک روچی ئیں زھرشانی ءُ نندانک، آمیدگسانی تچ ءُ تاگ ءَ ما دمبرتگ، ما بلوچ درست زانیں کہ اد ءَ انساپ نیست اِنت ناپاک ریاست ءِ جوڈیشری دنیا ءَ یک سد ءُ بیست ءُ سیمی نمبر ءَ اِنت ایشی ءِ سر ءَ چی اُمیت بیت کت کنت اِنت مارا ایشی ءَ چہ یک درسدے اُمیت نیست اِنت مئے اُمیت مئے سرڈگار اِنت مئے سرڈگار ءَ یل بہ کنت، ما جتائیں ریاستے ءِ واھند اِنت، بلوچ ءِ راجدپتر ھست اِنت ، بلوچ ءِ جتائیں دودے ھست اِنت، زبان اِنت اے وھد ءَ پنجابی پوج تئی زبان کجا بوتگ، ما راجدپتری راج اِنت ءُ تئی ھچ راجدپتر نیست اِنت من چون تئی بھر جوڑ بہ باں، ھچ رنگ ءَ من تئی بھر نہ باں تو جتائین پاکستان ءُ ما جتائیں بلوچستان-
سھیل بلوچ کلوہ دیان ءَ گوش ایت پاکستان مئے سرڈگار ءَ درا، تئی سرڈگار جتا اِنت -مئے جتا اِنت، بلوچ راج ءِ واستا کلوہ ھمیش اِنت کہ تئی زبان ءِ ھلاس کنگ ءِ جھد بوگ ءَ اِنت ھمک ھمراہ ءَ ھمے کلوہ داتگ کہ مئے زبان، پجار ھلاس کنگ بوگ ءَ اِنت، پنجابی ریاست ایشی ءِ واستا جھد ءَ اِنت بلے ھمت بہ کن ات، مرگ ھرچ رنگ ءَ کیت اِنت، تری تو وتی لوگ ءَ بہ نند وتی ھند ءَ بہ نند تو کجام کبرستان ءَ گوز ئے تو بہ جیڑ کپ اے پرچا مرتگ اَنت ایشاں جنگ کتگ مرتگ انت یا اناں پد ءَ ھم مرتگ اَنت – مرگ ھمک انسان ءِ سر ءَ ھک انت جوانتر ھمیش انت کہ ما لوگاں در بہ کپ ایں ، توار چِست بہ کن ایں اے زُلم ءُ زوراکیانی ھلاپ ءَ ما توار چِست نہ کت گڑا مئے دود، زبان، مئے سیندک، مئے ریکوڈک، گوادر رو اَنت گڑا مئے واستا ھچ نہ بچ ایت- وھدیکہ دنیا ءَ تئی وجود نہ بیت اِنت گڑا تئی زبان نہ بچ ایت گڑا تو راجے ھم نہ بہ ئے جوانتر ھمیش اِنت کہ ما وتی راج ءَ بہ پھریز اِنت کپ ما وتی زاتی واھشتاں بہ کش ایں بیا ایں جھد ءِ بھر جوڑ بہ بہ ایں ءُ سرڈگار ءَ بہ بچین اِنت-
تامر بند ءَ یک دگہ فدائی فرید بلوچ کلو دیان ءَ گوش ایت وتی جانانی کربانی ءَ پیش کنگ ءُ ما چین ءَ یکشل ءَ بیھار دیگ ءَ اِنت کہ مارا آئی ءِ گون ءَ ھچ دشمنی نیست اِنت ءُ آ بلوچستان ءِ جیڑہ ءَ دزکش بہ بیت اِنت – مئے سرڈگار ءَ زورگری ءِ ھلاپ ءَ برجاھیں جنگ ءَ وتی زرکاری ءِ ناکامی ءُ مٹ ءَ وتی مردمانی میتانی چست کنگ ءِ پشت ءَ تچکیں مول ءُ مراد ءِ زانگ ءَ ابید چین انگت ءَ ھم پشت ءَ کنزگ ءَ وتی پاداں دارگ اِنت – ما چین ءَ گوشگ لوٹ ایں کہ وھدیکہ جاپان ءُ آئی ءِ سر ءَ اُرش کتگ ءُ آ جوکاں پرینتگ گڑا آئی ءَ جاپان ءِ ھلاپ ءَ سلاہ بندیں گھگیری ءِ بندات کتگ- گڑا بلوچ ھم ھما ڈول اِنت ما ھم بنداتی روچ ءَ پاکستان ءِ زورگری ءِ ھلاپ ءَ سلاہ بندیں جھد ءَ کنگ ءَ اِنت، اگاں تئی جنگ واجب بیتگ گڑا مئے جھد ءَ پرچا بگیرداری یے؟ مروچی ما یک رندے پد ءَ وشی ءُ زانشتی رنگ ءَ وت ءَ کربان کنگ ءُ چین ءَ اے کلوہ ءَ دیگ ءَ اِنت کہ آ بلوچستان ءَ سرجم ءَ دزکش بہ بیت اِنت اگاں ناں گڑا مئے اُرش سک ترند بنت اِنت ءُ ترندی ءَ برجاہ بنت اِنت- ما ھچ بر پشت ءَ نہ کنز ایں وتی سرڈگار ءِ پھریزگ ءُ آجوئی ءِ واستا وتی جانانی ببا دیگ ءَ انت-
فرید بلوچ گوش ایت ما دو دھکاں چہ وتگڑیں کمیونسٹ ریاست، چین ءَ بیھار دیگ ءَ اِنت پاکستان ءَ مئے سرڈگار ماتی وتن بلوچستان تاکت ءِ زور ءَ زورگری کتگ مئے سر ءَ جاور اتکگ کہ یک زیرست ءُ لگتمالیں راجے ئِے – پاکستان ءَ چہ وتی زورگری ءِ بنداتی روچ ءَ مئے راج ءِ رستری نسل کشی ءَ کنگ ءَ اِنت ءُ ھمے ڈول دومی نیمگ ءَ مئے راجی مڈیانی لٹ ءُ پُل ءَ کنگ ءَ اِنت اے نا ایوک ءَ یک گیر انسانی ءُ گیر کانونی یے بلکیں ایشی ءَ تچک ءَ ناشری – میان اُستمانی رھبند ءَ راست کنت کہ پاکستان زیردستیں بلوچستان ءَ سنگینیں ڈول ءَ جنگی جرماں ھوار اِنت-
فرید گوش ایت کہ یک راجدپتری راجے ءِ بستار ءَ ما بلوچ راج ءِ اے راستی ءَ شرمندگی ءُ جھلی ءَ درشان کن ایں کہ وت ءُ گچینی رھشون ماؤ زے گنگ ءِ درستاں مستریں کمیونسٹ گوشوکیں ملک چین ءِ اکلاکھیت ءَ زبھر اِنت یک گیر روا داریں ریاست پاکستان ءُ بے دودیں پنجابی ءَ گوں مئے نسل کُشی ءَ ترند کنگ ءُ مئے مڈیانی پُل ءُ لَٹ ءَ کنگ ءَ کمک سرکنگ ءَ اِنت-
فرید بلوچ گوش ایت ھنچش مئے دگہ فدائی یے براتاں ءُ گوھاراں چین ءَ ھوار بلوچستان ءُ بلوچ راج ءِ لٹ ءُ پل ءَ راہ ءَ گیشینوکیں دگہ ڈنی پل ءُ پھانچی کمپنیانی دیم ءَ اے گپ تچک انت کہ ھمے رنگ ءَ یک رندے پد ءَ تچک ءَ گوش ایں کہ آ وتی سلکاریاں بہ دار ایت اگاں ناں گڑا بلوچستان ءِ آجوئی ءِ برجاھیں جنگ ءِ ترندی ءِ آسر ءُ مئے فدائی اُرشانی دیمپانی کنگ کپ ایت –
https://rumble.com/v5j5vmj-bla-majeed-brigade-attack-on-chinese-convoy-in-karachi.html