سلاہ بندیں مردماں یک اُرشے ءَ لیویز چوکی نشانگ کتگ-
بلوچستان ءِ دمگ چہ کلات ءَ ھال اِنت کہ کلات ءِ دمگ نیچارہ ءَ لیویز چوکی سر ءَ اُرش ءَ یک کارمندے ءِ بیران ءُ دو ٹپی بیتگ اَنت-
ناشناسیں سلاہ بندیں مردماں لیویز چوکی سر ءَ اُرش ءَ عبدالقیوم ء غوث بخش نیچاری نامیں لیویز کارمندے ءِ بیران وھدے کہ وئیل ءَ رحمت اللہ ء پائند خان نیچاری ءُ محمد عثمان ء نور جان نیچاری ٹپی بیتگ اَنت-
پولیس ءُ دگہ فورس ءَ دمگ انگر ءَ کتگ وئیل ءِ پُٹ پول بندات کتگ، اُرشکارانی دزگیری ءِ ھاتر ءَ جاگہ جاگہ ءَ راہ ءُ در بستگ اَنت-