کلات ءِ دو جاہ ءَ کار کنوکیں بند ءُ ساچی کمپنی پی ٹی اے ءِ کیمپ ءِ سر ءَ اُرش کنگ بوتگ۔
بلوچستان ءِ دمگ کلات ءَ سد ءَ چہ گیش سلاھبنداں بند ءُ ساچی کمپنی دو جاہ ءَ نشانگ جوڑ کتگ ءُ اود ءَ مشنری سوتکگ انت۔
دمگ ءِ انتزامیہ ءِ رد ءَ سلاہ بندیں مردماں کلات ءُ منگچر ءَ بند ءُ ساچی کمپنی پروگریسو ٹیکنیکل ایسوسی ایٹس ءِ ( پی ٹی اے) کساس دہ مردم دزگیر کتگ انت۔
اے وئیل ءَ پد پولیس ءُ پاکستانی لشکر ءِ مزنیں کچے ءَ وئیل جاہ ءَ شتگ ءُ اُرشکارابی پٹ ءُ پول برجاہ اش کتگ-
کلات پولیس ءِ رد ءَ فورسز ءِ مزنیں کچے ءَ کمکی کار بندات کتگ بلے شپ ءُ کوھانی سبب ءَ کمکی کار ءَ مزنیں مشکلے ءِ دیمپان اَنت ۔
زانگ بہ بیت کہ ایشی ءَ چہ پیسر کلات ءِ دمگ مھلبی ءَ مرجان جاہ ءَ سلاہ بندیں مردماں تعمیراتی کمپنی ءِ مشینری سوتکگ ءُ تباہ کتگ۔
دوئیں کمپنی سڑک ءِ جوڑ کنگ ءَ گوں بندوک بوتگ انت۔
زانگ بہ بیت کہ بلوچستان ءَ روڈ ءُ اے دگہ پروجیکٹانی سر ءَ کار کنوکیں کمپنی بلوچ سلاھ بندیں آجوئی لوٹوکیں مردم یکشل ءَ نشانگ کنگ ءَ اَنت-
بُرز ءَ گْوشگ بوتگیں گلانی ھیال اِنت کہ پُلپھانی ءِ منسوبہ جوڑیشت ءِ نام ءَ گیش کنگ بنت وھدے کہ سڑک ءِ جوڑیشت پہ لشکری مول ءُ مراداں کارمرز کنگ بیت۔
انگت ءَ ھچ گل ءَ اے اُرشانی ذمہ واری نہ زرتگ۔