بلوچ راھشون ڈاکٹر ماہ رنگ بلوچ ءَ یک درشانے ءِ تہ ءَ گوشتگ کہ چاردہ اکتوبر ءَ وتی ایڈووکیٹ جبران ناصر ءِ ھمراھی ءَ سندھ ھائی کورٹ وتی پاسپورٹ ءُ موباھل فون درکنگ ھاتر ءَ ارزبندی داتگ کہ ھشت اکتوبر ءِ شپ ءَ کراچی ائیرپورٹ ءَ چہ واتر آیگ ءَ من آں چہ پچ گپتگ اِت-
آئی ءَ گوشتگ آمیدگس ایس ایس پی ءُ ایس ایچ او ملیر ءَ نوٹس شنگ کتگ بیست یک اکتوبر ءَ تاں دزگپتگیں سامانی پٹ پول کنگ ءُ پیش کنگ ءِ پرمان داتگ-
دیمتر ءَ گوشتگ کہ کراچی پولیس نیمگ ءَ چہ آدینگ روچ منی ھلاپ ءَ نکش کنگ کتگیں دروگ ءُ وتگڑیں ایف آئی آر ھائی کورٹ ءَ پدریں منانکانی چارگ ءَ پد وتی ٹاھانی رد پدر کنگ ءَ پد درتچکیں ھساب ءَ رد کتگ- سندھ ھائی کورٹ ءَ اے ھم گوشتگ کہ من آں واکدار نیمگ ءَ چہ ھچ وڑیں دلسیاہ کنگ نہ بیت-