زھری : بمب تراک ءَ یک مردمے بیران یکے ٹپی

بلوچستان ءِ دمگ ھُزدار ءِ تھسیل زھری ءَ صدام گراونڈ ءِ نزیک ءَ بمب تراک ، تراک زھری ءِ وائس چیئرمین روات خان زھری ءِ کسانیں برات لیویز کارمند عبدالحمید بیران وھدے کہ محمد خان لوٹانی نامیں آئی ءِ یک ھمراھی سک ٹپی بیتگ-

ٹپی ءُ بیران بیتگیں مردم ءِ لاش نادُراھجاہ ءَ برتگ-

دمگی وسیلگ رِد ءَ تراک انچش تُرند بیتگ کہ تراک ءِ توار دیر دیر ءَ اش کنگ بیتگ، وھدے کہ لیویز ءُ دگہ فورس ادارہ وئیلجاہ سر بیتگ اَنت منانک یکجاہ کنگ بندات کتگ-

زھری لیویز واکدار رِد ءَ تراک چنوک بمبے سر ءَ کنگ بیتگ- گیشیں پٹ پول برجاہ ءَ اِنت-