ڈیرہ بگٹی ءَ پاکستانی پوج ءِ دہ کارمندانی کوش زمہ واری بی آر اے ءَ منّ اِتگ

بلوچ ریپبلکن آرمی ءِ جارکش سرباز بلوچ ءَ شنگ کتگیں درشان ءِ تہ ءَ گْوشتگ کہ مروچی سھب بلوچستان ءِ دمگ ڈیرہ بگٹی ءِ تھسیل سوئی ءِ دمگاں رئیس توخ ءُ لنجو ءَ لَس آبادیانی ھلاپ ءَ لشکر کشی ءَ دلگوش پاکستانی پوج سر ءَ سے جتاجتائیں ھندانی سر ءَ اُرش کنگ بیتگ، آیانی یکجاھی ھساب ءَ دوازدہ کارمند مرتگ ءُ پانزدہ ءَ گیش ٹپی بیتگ اَنت-

سرباز بلوچ ءَ گْوشتگ کہ بنداتی اُرش رئیس توخ ءِ دمگ ءَ سنگر گپتگ ءُ مزنیں سلاھاں چہ اُرش کتگ کہ اود ءَ پاکستانی پوج ءِ کارمند آبادیانی سر ءَ زوراکی کنگ ءَ دلگوش بیتگ اَنت، اے اُرش ءَ چار کارمند جاہ پہ جاھی مرتگ ءُ ھشت ٹپی بیتگ اَنت-

جارکش ءَ گوشتگ دومی اُرش پاکستانی پوج ءِ کارمندانی کاروان ھما وھد ءَ نشانگ کتگ وھدے آ لس آبادیانی سر ءَ زوراکی ءِ دروشم ءَ پُترگ ءِ جُھد کنگ ءَ بیتگ، چریشی ءِ آسر ءَ پاکستانی پوج ءِ یک بکتر بندیں گاڑی یے سرجمی ءَ تباہ بیتگ وھدے کہ پنچ کارمند مرتگ ءُ شش ٹپی بیتگ اَنت-

جارکش سرباز بلوچ ءَ گْوشتگ کہ سیمی اُرش شاخ نمبر چار سر ءَ پوج کارمند مزنیں سلاھاں چہ ھما وھد ءَ نشانگ جوڑ کتگ اَنت وھدے آ وتی ھمراھانی کمک ءَ سر بیتگ اَنت – اے اُرش ءَ سے کارمند مرتگ ءُ بازینے ٹپی بیتگ اَنت یک کیپٹنے ھم ھوار اِنت آئی ءِ پجّار حمزہ نام ءَ چہ بیتگ-

جارکش ءَ گوشتگ کہ پاکستانی پوج ءِ دو نوکیں سرویلنس ڈرون ھم جتگ ءُ دور داتگ اَنت کہ جنگ میان ءَ بلوچ جنگولاں چارگ ءَ بیتگ اَنت-

جارکش سرباز بلوچ ءَ دیمتر ءَ گوشتگ کہ اے دمگاں گیش پوجی کارمند سر بیگ ءَ اَنت – آیانی دیم دارگ ھاتر ءَ جنگی رپک ساڑی اَنت – بے میاریں مردمانی سر ءَ زُلم ءُ زوراکیں ریاستی کارمنداں شریں وڑے ءَ پنت دے ایں-