بلوچستان ءِ مستونگ ءَ ناشناسیں سلاہ بنداں پاکستانی فوج ءِ کاروان اُرش ءِ نشانگ جوڑ کتگ۔
فورسز ءِ کاروان مستونگ اسپلنجی ءِ جاہ ءَ نشانگ جوڑ کنگ بوتگ۔
اھوالانی رد ءَ مزنیں کساسے ءَ سلاہ بندیں مردماں کاروان ءِ تہ ءَ ھواریں گاڑی نشانگ جوڑ کتگ اَنت، پد ءَ کمک ءِ واستا سر بوتگیں بکتر بندیں گاڑی آئی ای ڈی ءِ اُرش ءَ نشانگ جوڑ کنگ بوتگ۔
اھوالانی رد ءَ کہ اے اُرش ءَ فورسز ءَ را تاوان ءِ آماچ بوتگ بلے انگت ءَ واکدارانی نیمگ ءَ اے ھال پدر نہ بوتگ۔
اُرش ءَ پد دمگ ءَ ھیلی کاپٹر بال ءَ گندگ بوتگ ۔
زانگ بہ بیت نام گپتگیں دمگ ءَ بلوچ آجوئی ءِ سلاھبند سرگرم اَنت بلے انگت ءَ کس ءَ اے وئیل ءِ زمہ واری نہ منّ اِتگ۔