چہ شال ءَ برجاھیں بیگواھیِں مردمانی کھول ءِ گل وائس فار بلوچ مسنگ پرسنز ءِ شُدکُشیں ھڑتالی گدان ناشناسیں مردماان مانداشتگ ءُ چریشی ءَ چہ گدان ءِ یک بھرے سُتکگ ءُ پُر بیتگ-
وی بی ایم پی ءِ وائس چئیرمین ماما قدیر بلوچ ءَ گدان ءَ چہ تامُربندے شنگ کتگ گْوشتگ کہ آ گدان ءَ چو مدامی وڑ ءَ نندوک بیتگ آں کہ پُشت ءَ چہ کسے ءَ مانداشتگ ءُ تتکگ اَنت-
آئی ءَ گْوشتگ کہ آئی ءَ پولیس ھال داتگ ءُ میارباراں زوت دزگیر کنگ لوٹ کتگ-
زانگ بہ بیت کہ وائس فار بلوچ مسنگ پرسنز ءِ شُدکُشیں ھڑتالی گدان ءَ چاردہ سال ءَ چہ برجاہ ءَ اِنت کہ زورانسری آوار جنگ بیتگیں مردمانی یل کنائینگ ءِ ھاتر ءَ پُرکار اِنت-