چہ سباء انسٹی ٹیوٹ آف ریسرچ اینڈ پبلیکینشنز ءِ نیمگ ءَ آرپا وپا ‘ گار اَشکام ’ چاپ بیتگ

بلوچی زبان ءِ ندکار، ءُ شائر آرپ وپا ءِ سیمی دپتر گار اَشکام چاپ ءُ شنگ بیتگ-

اے سباء انسٹی ٹیوٹ آف ریسرچ اینڈ پبلیکیشنز ءِ نیمگ ءَ چاپ ءُ شنگ کنگ بیتگ-

سباء انسٹی ٹیوٹ آف ریسرچ پبلیکیشنز ءَ شنگ کرتگیں درشان ءَ گوشتگ کہ آرپ وپا ءِ کتاب گار اَشکام چاپ ءُ شنگ بیتگ کہ آ شمارا کتاب نھاد جاھاں دز کپ ایت-

زانگ بہ بیت گوستگیں ماہ ءَ آرپ وپا ءِ کتاب آرپ کسہ کنت ھم چہ سباء انسٹی ٹیوٹ آف ریسرچ اینڈ پبلیکیشنز ءِ نیمگ ءَ چاپ ءُ شنگ بیتگ اَت ءُ ایشی ءِ ھواری ءَ بلوچی زبان ءِ ندکار بابل لتیپ ءِ کتاب اھد ء وپا ھم چاپ ءُ شنگ بیتگ ات-

زانگ بہ بیت آرپ وپا ءِ چِد ءُ پیسر آرپ وپا ءِ شائری ءِ سَے کتاب شنگ کنگ بیتگ اَنت ءُ ایشانی ھوار ھوار آرپ وپا ءِ دو گدار ءُ یک آزمانکانی کتابے شنگ بیتگ اَنت-

اے ھمے زوتی اِنت کہ سباء انسٹی ٹیوٹ آف ریسرچ اینڈ پبلیکیشنز ءِ نیمگ ءَ چاپکاری ءِ سیمی کتاب اِنت کہ چاپ بوگ ءَ اِنت ءُ ھمے داب ءَ ایشی ءَ پیش ھم سباء انسٹی ٹیوٹ آف ریسرچ پبلیکیشنز ءِ نیمگ ءَ کتاب چاپ ءُ شنگ بیتگ اَنت-