بلوچستان ءِ دمگ موسی خیل ءَ ناشناسیں مردماں کنسٹرکشن کمپنی ءِ کیمپ ءِ سر ءَ اُرش کتگ ءُ مشینری آچ داتگ انت۔
واکدارانی رد ءَ اے وئیل شمبے ءِ شپ ءَ تحصیل درگ ءِ دمگ سیوی رگھا ءَ بوتگ کہ چہ ضلع موساخیل ءَ نزیک ءَ 100 کلومیٹر دور اِنت۔
کمشنر سعادات حسن ءَ گشتگ کہ یک درجنے ءَ چہ گیش مردماں یک تعمیراتی کمپنی ءِ کیمپ ءِ سر ءَ اُرش کتگ کہ آ پی پی ایل گیس کمپنی ءِ کیمپ ءَ سڑک جوڑ کنگ ءَ انت کہ آ دمگ ءَ گیس ءُ تیل ءِ پٹ ءُ پول ءَ انت۔
آئی ءَ گیش گْوشتگ کہ اُرش کنوکاں مزدوراں چہ کیمپ ءُ مشینری ءَ درکپگ ءِ لوٹ کتگ بلے پد ءَ آیاں سامان سُتکگ اَنت۔
کمشنر ءِ رد ءَ 17 مزدور سڑک ءِ جوڑ کنگ ءِ کار ءَ بوتگ اَنت کہ ایشانی تہ ءَ 13 شپ ءَ واتر بوتگ اَنت ءُ 4 مزدور ترس ءِ سبب ءَ ٹپ اتگ اَنت ءُ یک شمبے ءِ روچ ءَ سھب ءَ واتر بوتگ اَنت۔
آئی ءَ گشتگ کہ مزدورانی آوار جنگ ءِ ھالانی تہ ءَ ھچ وڑیں راستی نیست انت۔
موسیٰ خیل انتظامیہ ءِ دگہ افسرے ءَ گشتگ کہ ارش کنوکاں سرجم ءَ 7 بلڈوزر ءُ یک پک اپ گاڑی یے مانداشتگ انت-