آپریشن ھیروپ ءِ شھیدانی یات ءَ آشوبی دیوانے برجم دارگ بیتگ

بلوچ لبریشن آرمی ءِ آپریشن ھیروپ ءِ شھیدانی یات ءَ شمبے ءِ روچ ءَ یک آشوبی دیوانے برجم دارگ بیتگ-

آشوبی دیوان ءَ بلوچی ءُ براھوئی زبان ءِ نامی ئیں ازمکار استاد میر اھمد بلوچ، میرل بلوچ ءُ ساول کندیل ءَ براھوئی ءُ بلوچی زبان ءَ شائری گشتگ اَنت ءُ آپریشن ھیروپ ءِ شھیدانانی ستاشانی کرتگ ءُ مھلوک وتی نیمگ ءَ دلگوش کتگ اَنت-

زانگ بہ بیت بلوچ لبریشن آرمی ءَ گوستگیں ماہ ءِ بیست ءُ پنچ ءُ بیست ءُ شش اگست ءِ میانی شپ ءَ سرجمیں بلوچستان ءَ آپریشن ھیروپ ءِ بندات کتگ – گل ءِ رد ءَ آپریشن ءِ درچ ءَ سرمچاراں بلوچستان ءِ دراھیں شھدگ بستگ ءُ وتی دستیگی ءَ کتگ اَنت ءُ بازیں جاھاں پاکستانی پوج ءِ سر ءَ اُرش کتگ اَنت-

بلوچ لبریشن آرمی ءِ مجید برگیڈ ءِ آپریشن ھیروپ ءِ بنجاھی اُرش بلوچستان ءِ دمگ بیلہ ءَ پاکستانی پوج ءِ یک بنجاھی بنجلے ءِ نشانگ کتگ ءُ چریشی ءَ بازیں اداراں پوجی بنجل سرمچارانی کنٹرول ءَ بیتگ-

بی ایل اے ءِ رد ءَ آپریشن ھیروپ ءَ دشمن ءِ بیلہ بنجل ءَ مجید برگیڈ داں اداراں کنٹرول کتگ ءُ دشمن ءِ 68 کارمند کشتگ انت ءُ بی ایل اے ءِ فتح اسکواڈ ءُ ایس ٹی او ایس ءَ 62 کارمند کشتگ اَنت ءُ بلوچستان ءِ سرجمیں دگ بستگ اَنت ءُ گمانی یک سد ءُ سی کارمند کشتگ اَنت ءُ بازیں کچے ءَ زدگ کتگ اَنت-