ھزب اللہ ءِ بیروت اُرش ءَ حسن نصر اللہ ءِ بیرانی ءِ ھال راست

ھزب اللہ ءَ لھتے دماناں پیش یک درشانے ءَ ھال دیان ءَ سروک ھسن نصر اللہ ءِ مرگ ءِ ھال راست –

ایشی ءَ اسرائیل ءِ لشکر ءَ ھال شنگ کتگ ات کہ ھزب اللہ ءِ سروک ھسن نصراللہ ءَ لبنانی گل ءِ بازیں کمانڈر زرباری لبنان ءَ اسرائیل ءِ یک اُرشے ءُ مرتگ-

ھزب اللہ ءَ وتی سروک ھسن نصراللہ ءِ مرگ ءِ ھال راست کتگ- بلے داں انگت ءَ لبنانی گل ءَ اے درگت ءَ ھچ گپ دیم ءَ نیاؤرتگ اَنت-

ایشی ءَ پیش شمبے ءِ سھب ءَ اسرائیل ءِ لشکر ءَ ٹاہ داتگ ات کہ بیروت ءَ برزی اُرشانی کاروائیانی وھد ءَ ناشرین گل ھزب اللہ ءِ سروک ھسن نصراللہ کشتگ –

یک درشانے ءَ آئی ڈی ایف ءَ ٹاہ دیان ءَ گوشتگ ‘ ھسن نصر اللہ دنیا ءَ ترسینت نہ کنت اِنت’ –

اے درشان بیروت ءَ شپ ءَ بیوکیں اُرشانی درچ ءَ پد شنگ کتگ بیتگ – چریشی ءِ پژدر ءَ اسرائیل ءِ لشکر ءَ گوشتگ اے اُرشاں نصراللہ ءُ ھزب اللہ ءِ دگہ کمانڈر نشانگ کتگ اَنت-