وزیرستان: ھیلی کاپٹرے کپتگ ءُ تباہ بیتگ، بازیں مردمے بیران

پاکستان ءِ اُستان ھیبر پکتونکواہ ءِ ھند وزیرستان ءَ ماڑی پیٹرولیم ءِ بیلی کاپٹر وئیل ءِ آماچ بیتگ – چریشی ءِ آسر ءَ بازیں مردمے بیران بیتگ اَنت-

جارکش ماڑی پیٹرولیم ءَ گوشتگ کہ ایم آئی -8 ھیلی کاپٹر انجن ءِ ھراب بوگ ءَ وئیل پیش اتکگ – بنداتی اھوالانی رد ءَ شش مردم بیران ءُ ھشت زدگ یتگ اَنت-

جارکش ءَ گوشتگ ھیلی کاپٹر ءَ سَے درملکی پائلٹ ءَ ھوار چاردہ مردم سوار بیتگ اَنت-

جارکش ءَ گوشتگ ھیلی کاپٹر شیوا وزیرستان بلاک ءَ پرسنل ٹرانسپورٹیشن سرکنگ ءَ بیتگ – کمکی کار برجاہ اَنت ءُ زدگ بیتگیں مردماں نزیکیں ھسپتال ءَ برگ ءَ اَنت-

جارکش ماڑی پیٹرولیم ءَ گوشتگ ھیلی کاپٹر گوریچانی وزیرستان ءِ ھند ءَ یک آئل فیلڈے ءِ نزیک ءَ کپتگ ءُ تباہ بیتگ-