زورانسری بیگواھیں دو بلوچ ورنا یل کنگ بیتگ اَنت

گوستگیں روچاں زورانسری آوار جنی ءِ نشانگ بیتگیں دو بلوچ ورنا یل کنگ بیتگ اَنت-

گیشیں ھالانی رِد ءَ پنجاب شھر سرگودھا ءَ ھپتمی سمسٹر ( سوشیالوجی ) یونیورسٹی آف سرگودھا ءِ نودربر حامد بلوچ ء خان محمد جھمنند بلیدہ کیچ مروچی آجو بیتگ-

اے ورنا گوستگیں روچاں چہ بھادر شاہ ظفر دگ ءَ زورانسری آوار جنی ءِ نشانگ کتگ بیتگ اَت کہ مروچی آجو بیتگ-

سنگتیں نودربر ءِ یل بیگ گپ بلوچ کونسل پنجاب ءَ گوشتگ کہ اے اش کتگ وشی بیتگ کہ درکانودی ھساب ءَ آوار جتگ ءُ بیگواہ کنگ بیتگیں حامد بلوچ یل کنگ بیتگ بلے اے جست انگت ھست اِنت کہ ریاستی پوج داں کد بلوچ ورنایاں تُرسین اِیت ءُ آوار جنت ءُ پرچا؟

آئی ءَ گْوشتگ کہ ما اے وڑیں پالسیاں داں گُڈی ساہ ءَ گھگیری کن ایں-

دومی نیمگ ءَ بلوچستان ءِ دمگ کلات ءِ ھند چہ کلی پندرانی ءَ زورانسری بیگواہ کنگ بیتگیں سحاج مینگل ء محمد حنیف ھم مروچی آجو بیتگ-

زانگ بہ بیت بیست سے ستمبر ءِ شپ ءَ پاکستانی پوج ءِ مزنیں کچے ءَ کلات کلی پندرانی سرجمی ءَ انگر ءَ کتگ لوگانی سر ءَ بیڑبرتگ اے میان ءَ پوج ءَ سحاج مینگل ءَ ھوار دو ورنا آوار جنگ ءَ پد ناشناسیں جاھے ءَ برتگ اَنت-

بلے چہ پندران ءَ آوار جنگ بیتگیں سحاج مروچی آجو بیتگ-