بلوچستان ءِ جتاجتائیں دمگاں بیتگیں دگ ءُ تیرگواری وئیلاں یکجاھی ھساب ءَ یک مردمے بیران وھدے کہ دہ مردم ٹپی بیتگ اَنت-
گیشیں ھالانی رِد ءَ بلوچستان ءِ دمگ کوھنیں مچھ نزیک ءَ تُرند رؤگ سبب ءَ مرینگ نہ بیتگ ءُ یک مساپر کشیں کوچے ءَ ھوار سے گاڑی وت ماں وت ڈک ورگ آسر ءَ شش مردم ٹپی بیتگ اَنت-
وئیل ءَ پد سائبان ویلفیئر ٹرسٹ ءُ ھسپتال ءِ ایمبولینس ھما دمان ءَ ٹپی ھسپتال ءَ برتگ اَنت وئیل آماچیں بس چہ شال ءَ اوستہ محمد ءَ روگ ءَ بیتگ –
ھمے وڑ بلوچستان ءِ دمگ ھُزدار ءِ تھسیل وڈھ بازار نزیک ءَ گاڑی ءُ پرپٹ میان ءَ ڈک ورگ آسر ءَ سے مردم سک ٹپی بیتگ اَنت پہ الاج ھاتر ءَ وڈھ ھسپتال ءَ برگ بیتگ اَنت-
انچش پنجگور ءِ دمگ چتکان بازار نزیک ءَ ناشناسیں سلاہ بندیں مردمانی تیرگواری ءَ چہ ظھور احمد ء فقیر محمد بیران وھدے کہ زبیر نامیں مردمے ٹپی بیتگ-
وئیل ءَ بیران ءُ ٹپی مردم ٹیچنگ ھسپتال ءَ برگ بیتگ اَنت اے درگت ءَ پولیس گیش پٹ پول کنگ ءَ اِنت-