زورانسری آوار جنی ءِ نشانگ بیتگیں مردمے آجو بیتگ-
گیشیں ھالانی رِد ءَ بلوچستان ءِ دمگ کیچ ءِ تھسیل چہ دشت ءَ گوستگیں سال ءَ زورانسری آوار جنی ءِ نشانگ بیتگیں ولید ء حمزہ مروچی آجو بیتگ وتی لوگ ءَ سر بیتگ-
آئی ءِ آجوئی ءِ گپ دمگی مردماں کتگ-
ولید ء حمزہ یک سالے ءَ ساری چہ دشت زریں بگ کراس ءَ ھما وھد ءَ پاکستانی پوج ءَ آوار جتگ ءُ بیگواہ کتگ وھدے آ وتی سنگتانی ھمراھی ءَ سپر ءَ کنگ ءَ بیتگ وئیل ءَ آئی ءِ سئیں سنگت ھم بیگواہ کتگ اَنت-
ولید ءِ ھمراھی ءَ زورانسری بیگواہ کنگ بیتگیں آئی ءِ سنگت پد ءَ یل کنگ بیتگ اَنت بلے ولید ء حمزہ یک سالے ءَ پد مروچی آجو بیتگ ءُ وتی لوگ ءَ سر بیتگ-