بلوچ وتی جنگ ءَ مکران، گوادر، بیلا ءَ تالان کنگ ءَ سوبین بیتگ انت- انورالحق کاکر

پاکستان ءِ پیسریگیں اداروکی مزن وزیر ءُ سینیٹر انور الحق کاکر ءَ گشتگ کہ بلوچ راجدوست جنرل ضیاء ءِ دوست ءُ جنرل مشرف ءِ دژمن بوتگ انت، بلوچستان ءِ آجوئی ءِ ھچ زرمبشت نہ بوتگ، 70 ءِ دھک ءَ ایوک ءَ مری قبیلہ آں جنگ کتگ، برٹش بلوچستان ءِ کرارداد مرھوم نواب اکبر بگٹی ءَ پاکستان ءِ ھک ءَ ووٹ داتگ۔

اے ھیالانی درشانی آئی ءَ یک نجی ٹی وی چینلے ءَ گوں ھاسیں گپ ءُ ترانانی تہ ءَ کتگ اَنت۔

سینیٹر انورالحق کاکر ءَ گشتگ کہ بلوچستان ءَ پنچ بھراں بوتگ انت؛ ریاست کلات، ریاست خاران، ریاست بیلا، ریاست مکران ءُ برٹش بلوچستان ءِ تہ ءَ پشتون بیلٹ، کوھلو، ڈیرہ بگٹی ءُ تفتان ھوار بیتگ انت۔

آئی ءَ ٹاہ داتگ کہ بلوچستان ءَ درستاں پیش خاران ءِ نواب عبدالرحمن نوشیروانی، جام غلام قادر بیلہ، بھائی خان گچکی مکران بلوچستان ءَ اولی مردم بوتگ انت کہ آہاں کاگداں دسھت کتگ ءُ پاکستان ءَ ھوار بوتگ انت کہ آ برٹش بلوچستان ءِ بھر بیتگ انت۔ ایشاں کرارداد من اتگ-

انورالحق ءَ گوشت کہ نمیرانیں نواب اکبر بگٹی ءَ پاکستان ءِ ھک ءَ ووٹ داتگ ۔ وھدے قلات نیشنل پارٹی جوڑ بوت گڑا آہاں یک کراردادے کت کہ قلات ریاست پاکستان ءِ تہ ءَ ھوار کنگ مہ بیت- آ زمانگ ءَ گوس بکش بزنجو فاونڈر بیتگ ءُ یکجاھیں ھندوستان ءِ ھواریں مردمانی ھمراہ بیتگے

آئی ءَ گوشت کہ بلوچ قوم پرست جنرل ضیا ءِ دوست بوتگ انت ءُ جنرل مشرف ءِ دژمن بوتگ انت راجدپتر ءَ بلوچستان ءِ آجوئی ءِ ھیال ءَ مکران ءِ ریاست ءِ ھلاپ ءَ ھچ وڑیں زرمبشت نہ بوتگ ءُ اے جنگ تاں گوادر بیلہ ءَ تالان کنگ بیت کہ اودا بلوچ قبیلہ ھست انت۔ منی ھیال ءَ آ سوبمند بوتگ اَنت۔