چار شمبے ءِ سھب ءَ شال ءِ رودراتکی شھدگ ءِ دمگ ءَ پولیس ءِ گاڑی نشانگ جوڑ کنگ بوتگ کہ ایشی ءِ تہ ءَ پولیس کارندہ ءَ ھوار سئے مردم ٹپیگ بوتگ اَنت۔
پولیس ءِ رپورٹ ءِ رد ءَ خالق شھید تھانہ ءِ موبائل گشت ءَ بوتگ کہ آ نشانگ کنگ بیتگ، سڑک ءِ کش ءَ اوشتاتگیں موٹر سائیکل ءِ تہ ءَ تراکناکیں شورو ایر کنگ بوتگ اَنت۔
ٹپیگ زوت دوا ءُ درمان ءِ کنگ ءِ واستا سول ھسپتال شال ءِ ٹراما سنٹر ءَ سر کنگ بوتگ انت۔ پولیس ءَ دمگ انگر کتگ ءُ وئیل ءِ پٹ ءُ پول بندات کتگ ۔
واکدار اے اُرش ءِ زمہ وارانی پجارینگ ءِ ھاترا کار کنگ ءَ اَنت۔ اے وئیل ءَ شال ءِ ایمنی ءِ جاور ھال ءِ سر ءَ جیڑہ ودی کتگ اَنت کہ گوستگیں سالاں شال ءَ اے وڑیں بازیں اُرش بوتگ اَنت۔