بارکھان ڈیتھ اسکواڈ ءِ ھلاپ ءَ آپریشن ءِ برجاہ دارگ ءُ بازیں کارمندھانی کوش زمہ واری بی ایل ایف ءَ منّ اِتگ

بلوچستان لبریشن فرنٹ ءِ جارکش میجر گْوھرام بلوچ ءَ شنگ کتگیں درشان ءِ تہ ءَ گْوشتگ کہ مئے سرمچاراں گوستگیں سے روچاں برجاھیں ڈیتھ اسکواڈ کارمندانی ھلاپ ءَ آپریشن برجاہ ءَ اِنت بازیں کارمندے ءِ کوش زمہ واری منّ اِتگ-

جارکش ءَ شنگ کتگیں درشان ءِ تہ ءَ گوشتگ کہ گوستگیں سے روچاں بی ایل ایف ءِ سرمچار ریاستی سروکی ءَ ھستیں ڈیتھ اسکواڈ ءِ ھلاپ ءَ آپریشن سرجمیں شپ ءَ برجاہ بیتگ چریشی ءَ دگہ گیش کارمند کشتگ اَنت، وھدے کہ دُژمن ءِ ھلاپ ءَ میڑانی دْرچ گوں تُرندی ءَ برجاہ ءَ اِنت-

جارکش ءَ گوشتگ اے آپریشن ریاست، ریاستی کُشکاریں ٹولی ، ریاستی ڈیتھ اسکواڈ ٹولی سرفراز بگٹی ءِ دیم ءَ یک تُرندیں شھماتے کہ چاگردی رسانکدر ءُ دگہ رسانکدراں بلوچ راجی زرمبشت ءَ لھتے مردماں چہ لیک اِیت ءُ ھمے پیشدار اِیت کہ بلوچستان ایمن اِنت-

جارکش ءَ گوشتگ کہ بلوچستان یک جنگجاھیں دمگے کہ بلوچ راج ءِ سرڈگار اِنت، بلوچ راج وتی سرڈگار سر ءَ ریاستی ناشرکاری، ریاستی سروکی ءَ ھستیں کُشکاریں ٹولی، ڈیتھ اسکواڈ ٹولیاں ھوار دگہ ھچ وڑیں شوربندیاں موکل ندنت-

جارکش ءَ گوشتگ کہ آپریشن جتاجتائیں دمگاں گوں تُرندی ءَ برجاہ ءَ اِنت، گیشیں ھالاں زوت رسانکدر ءَ شنگ کن ایں-