بلوچی زُبان ءِ ھیال دارگ لوٹ اِیت کُجام پیم ءَ اِنت
نبشتہ کار: بْرمش بلوچ
دی بلوچستان پوسٹ
سلام ءُ دْروت پُلّیں راج ءِ نودربراں پرچا سنگتاں مئے زندگی اِے پیم اِنت ؟ شُما زان اِت- سنگتاں شُما دِیستگ کہ بازیں سنگت ھست وتی زُبان ءُ راج ءَ کُجام وڑ ءَ چار اَنت ءُ ھیال دار اِش دار اَنت بازیں سنگت ھست چِے گُش اَنت پہ وتی بلوچ راج ءُ زُبان ءِ بابت ءَ ؟ گُش اَنت کہ وتی بلوچی ءَ گوں چِی ءَ چُشیں ھبر کن اَنت مئے بلوچ راج چون اِنت مئے وانگ ءُ زانگ چون اِنت گُش اَنت کہ بلوچ راج دلگوش نہ بیت چُشیں ھبر مہ کن اِت بازیں سنگتی ھست گُش اِیت کہ شُما پرچا بلوچی وان اِت بلوچی مَہ وان اِت دِگہ زُبان بوان اِت انگریزی زُبان بوان اِت اردو زُبان بوان اِت ما گُشتگ کہ بلوچی مئے وتی شھدیں زُبان اِنت ۔
پیسر ءَ وتی بلوچی زُبان ءَ بوان اِت ءُ نبشتہ بکن اِت پرچاکہ بلوچی مئے وتی جِند ءِ ماتی زُبان اِنت بازیں سنگت ھست بلوچی ءَ وتی ماتی زُبان ءَ نہ وان اَنت بلوچی کتاب ھم دست ءَ نہ کن اَنت پد ءَ مارا گُش اَنت کہ شُما بلوچی کِتاب پرچا وان اِت –
ھما بازیں سنگتاں گُشتگ بلوچی ءِ وانگ ءُ زانگ ءَ چِے رس اِیت چِے دست کپ اِیت تو چِے زان ئے۔
انگریزی بوان ترا زر دست کپ ایت نوں مردُم چے لوٹ اَنت یکے زر لوٹ اِیت گُش انت زر بوت گڑا زندگی بوت نوں وتن نہ لوٹ اَنت چو نہ زان اَنت کہ آ دگہ بلوچ چون اَنت ءُ کُجام وڑ اَنت کُجام پیم ءَ اَنت۔ باریں آیانی لوگ کُجام وڑیں جاگہ ءَ اَنت۔ باریں آیانی چُک کُجام وڑ اَنت بازیں چُک اِش ھست پسان اَنت۔
وانگ ءُ زانگ ءِ آیاں هچ ھیال نیست کُجا بیت آیانی دُراھیں زند وتی گوں پسان گوزینتگ آ کُجا نو وانگ ءِ ھیال دار اَنت مئے جِند ءِ کرّ ءَ وانگ ھست۔ آ دگہ زُبان ءَ بِل وتی بلوچی زُبان ءَ نہ وان اِت۔
من ءَ اِے گپ ءِ سر ءَ بژن بیت کہ همے مردم همے باسک همے سنگت وت اوں نہ وان اَنت پد ءَ دگراں اوں گش اَنت شما پرچا بلوچی زُبان ءَ وان اِت بلوچی زُبان ءَ کے نہ وان اِت مئے وتی شھدیں زُبان اِنت۔
ڈاکٹر ناگمان گُش ایت: کہ وتی بلوچی زُبان ءِ سر ءَ جهد بہ کن ات پرچا کہ آ چُش گُش اِیت؟ آ لوٹ اِیت کہ ماتی زبان مئے بلوچی دیمروی بہ کن مئے نوکیں پدریچ اوں وتی زبان ءَ بہ وان اِیت دانکہ مئے ماتی زبان بیت گار مہ بیت آ دگہ زُبانان بِہ چار اِت چون دیم ءَ اتکگ اَنت مئے زُبان ءَ بِہ چار اِت چون پُشت ءَ روگ ءَ اِنت ۔
مئے وتی زبان گار اِنت مارا وت آرگ لوٹ اِیت یکمُشت ءُ تپاک بوگ لوٹ اِیت گوں زبان دوستیں باسکاں هوار بوگ لوٹ اِیت ،جهد کنگ لوٹ اِیت، بلے مارا لهتیں مردم هست کہ وتی زبان ءَ وت پشت جنگ ءَ اَنت وتی ماتی زبان ءَ وت ایر جنگ ءَ اَنت-
وتی زُبان ءَ ھراب پهمگ ءَ اَنت، آ دگہ زُبان ءَ شر کن اَنت وتی زُبان ءِ بابت ءَ انگت هچ زانت ءُ سرپدی اِش نیست کہ مئے زُبان کُجام وڑ ءَ اِنت پُشت ءَ اِنت یا دیم ءَ اِنت یا گار اِنت یا مئے کرّا اِنت ۔ کس وتی بلوچ زُبان ءَ نہ وان اِیت مئے بلوچی زُبان گار بیت ۔
بازیں گْهار ءُ برات ھست وتی بلوچی زُبان ءِ سر ءَ باز جهد کنگ ءَ اَنت ۔ وانگ لوٹ اِیت یکّیں انگریزی ءُ اردو ءِ نہ اَنت وتی بلوچی زبان باز وانگ سک باز زانگ لوٹ اَنت پیسر ءَ وتی بلوچی زُبان ءَ بوان پد ءَ اردو ءُ انگریزی زُبان بہ وان ۔ اردو ءِ ھیال ءَ کس نہ دار اِیت نو بازیں مردُم ھست وتی بلوچی زُبان ءَ وانگ ءَ اَنت ۔
بازیں سنگت ھست وتی بلوچی زُبان ءَ نہ وان اِیت۔ دیم ءَ شُمارا ھیال دارگی اِنت نو ھیال بہ دار اِت کہ مئے بلوچ راج چون اِنت مئے بلوچ راج کُجام جیڑواں گوں جنگ ءَ اِنت ۔
مئے بلوچ راج ءِ سر ءَ چون زُلم بوگ ءَ اِنت بلوچ ءِ راج بیگواه اِنت مئے مات ءُ پِتانی سر ءَ چی بوگ ءَ اِنت بیگاہ مارا شمارا هچ ھبر نیست اِنت نہ شگری بوگ ءَ اِنت۔
ناگمان گُش ایت: کہ مئے وتن چون اِنت مئے زالبول چون اَنت مئے برات ءُ پِت چون اَنت مئے بلوچی وانگ ءُ زانگ چون اَنت ۔
ھر وھد ءَ وتی بلوچ ءُ بلوچی زُبان ءِ ھیال ءَ بہ دار اِت وتی مات ءُ پتانی ھیال ءَ بہ دار اِت ۔ بَلے وتی بلوچی زُبان ءَ بوان اِت شر ھیال ءَ بہ دار اِت۔
هاوند مئے بلوچ ءُ بلوچی زُبان ءَ زندگ بہ کن ۔ مئے ھما گْوهار ءُ برات کہ وتی بلوچی زُبان ءَ وانگ ءَ اَنت هما کہ وتی زبان ءِ واستا جهد کنگ ءَ اَنت هاوند آیاں وش ءُ سلامت بہ کنت شالا گوں مارا هوار بہ کنت بلوچستان زندگ بات سبز بات ماتی زبان زندگ بات دیمروی کنات شالا انچُش بات۔
دی بلوچستان پوسٹ: اے نبشتانک ءِ تہ ءَ درشان کُتگیں ھیال ءُ لیکہ نبشتہ کار ءِ جِندئیگ اَنت، الّم نہ اِنت کہ دی بلوچستان پوسٹ رسانک نیٹورک ایشانی منّوک بہ بیت یا اگاں اے گل ءِ پالیسانی درشانی انت-