چہ کلات ءَ گوستگیں شپ ءَ پاکستانی پوج ءَ دو ورنا جند ءِ لوگاں آوار جتگ ءُ بیگواہ کتگ اَنت-
بلوچستان ءِ دمگ کلات ءِ ھند کلی پندرانی ءَ پاکستانی پوج ءَ اختر شاہ ء حسین شاہ ءُ سھاج مینگل ء مھمد ھنیپ چہ جند ءِ لوگاں آوار جتگ ءُ بیگواہ کتگ اَنت-
دمگی مردمانی رد ءَ گوستگیں شپ ءَ پاکستانی پوج ءَ بازیں کچے ءَ کلی پندرانی انگیر کتگ ءُ لوگانی سر ءَ بیڑ بران ءَ ھمے وھد ءَ دویں ورنایانی چم بستگ ءَ گاڑیانی توک ءَ چگل داتگ اَنت-
گرگ بیتگیں ورنایانی بارو ءَ دگہ ھچ اھوال دیم ءَ نیتکگ اَنت ءُ دمگداراں ھم اے درگت ءَ دگہ اھوال دیم ءَ نیاؤرتگ اَنت-
سرجمیں بلوچستان ءَ ھمک روچ زورانسری بیگواھیانی اھوال رپورٹ بوگ ءَ اَنت- ٹی بی پی ڈیٹا ویژول اسٹوڈیو ءِ کچ ءُ کساسانی رد ءَ اگست ءِ ماہ ءَ سرجمیں بلوچستان ءَ سِی ءُ ھپت مردم بیگواہ کنگ بیتگ اَنت ءُ ایشانی توک ءَ نُھ مردم یل بیتگ اَنت ءُ شش کسانی لاش دزکپتگ اَنت-