روکپتی بلوچستان ءِ بنجاھی شھر زاھدان ءَ ایرانی چیریں ادارہ (اطلاعات) ءِ دست ءَ آوار جنگ بیتگیں یک مردمے یل بیتگ-
اھوالانی رد ءَ 628 روچ ءَ پیش آوار جنگ بیتگیں بیست ءُ یک سالی ئیں الیاس کوھکن ء حمید رضا یل کنگ بیتگ-
آئی ءِ یل بوگ ءِ ھال ءِ راست کنان ءَ روکپتی بلوچستان ءَ بندوکیں انسانی ھکانی واستا کار کنوکیں گل بلوچ کمپعن فعالین ءَ آئی ءِ نزیکیں مردمانی درور دیان ءَ گوشتگ کہ آ یل بیتگ-
اھوالانی رد ءَ الیاس کوھکن شش سد ءُ بیست ءُ ھپت روچ ءِ بندیگی ءَ پد آ چہ زاھدان زندان ءَ یل دیگ بیتگ-
اھوالانی رد ءَ آئی ءِ سر ءَ ایرانی پورسز ءَ ڈیھ ءِ ھلاپ ءَ جنگ ءُ پساد تالان کنگ ءِ بھتام لڈ اتگ اَنت-
اھوالانی رد ءَ الیاس ءِ پت حمید رضا ءُ آئی ءِ دو برات بنیامین کوھکن ءُ ادریس کوھکن انگت ءَ بندیگ اَنت-