مکران کوسٹل ھائی وے دھرنا: دگ چارومی روچ ءَ بند

کوسٹ گارڈ ءِ رویشانی ھلاپ ءَ مروچی چارومی ءَ زھرشانی نندانک برجاہ، بازیں شھدگ بند –

گوادر ءَ پاکستانی کوسٹ گارڈ ءِ ناروا سلوکانی گمانی زوراکیانی ھلاپ ءَ پیک اپ وھدن اتھاد ءِ نیمگ ءَ دیگ بیتگیں الٹمیٹم ھلاس بوگ ءَ پد مروچی زھرشانی چارومی روچ ءَ برجاہ اِنت کہ اود ءَ بازیں شھدگ بند اَنت-

گوستگیں چار روچاں برجاھیں زھرشانی ءِ سبب ءَ مکران کوسٹل ھائی وے، سی پیک روٹ ءَ گاڑیانی دراجیں کتار لگ اتگ ءُ بازیں کساسے ءَ مساپر مھتل اَنت-

زانگ بہ بیتگ باڈری ءُ دمگی واپار کاراں پیک اپ واھند اتھاد ءِ نیمگ ءَ پاکستانی کوسٹ گارڈ ءِ رویش ءِ ھلاپ ءَ چار روچ پیش زھرشانی نندانک داتگ بیتگ – کہ انتزامیہ ءِ گون ءَ گپ ءُ تران ءِ بے سوبی ءَ پد مروچی چارومی روچ ءَ برجاہ اِنت ءُ پک اپ واھنداں شھدگ ءِ سر ءَ نندانک داتگ –

زھرشانی کنوکانی گوشگ اِنت انتزامیہ ءَ سنجیدگی ءَ آیانی گپاں گوشدارگ ءَ نہ اِنت سَے روچاں ما زھرشانی ءَ اِنگ انتزامیہ مئے گپان گوشدارگ ءَ تیار نہ اِنت ایشی ءَ چہ لاچاری بوتگ انت سرجمیں دگ بند کتگ اَنت-

زھرشانی کنوکانی گوشگ اِنت کہ دانکہ انتزامیہ ایکشن نہ زیر ایت مئے زھرشانی برجاہ بیت اِنت ءُ دراھیں رکاوٹانی زمہ وار انت-