کوسٹ گارڈ رویشگ ھلاپ ءَ سیمی روچ ءً نندانک برجاہ، بازیں شھدگی بند

کوسٹ گارڈ رویشگ ھلاپ ءَ سیمی روچ ءً نندانک برجاہ، بازیں شھدگی بند

مکران کوسٹل ھائی گوستیں سے روچ ءَ بندیں. ،گاڑیانی دراجیں لین لگ اِتگ درزنانی مساپر گٹ اَنت-

گوادر ءَ پاکستانی کوسٹ گارڈ ءِ نارواھیں رویشگ ءُ زیادتیانی ھلاپ ءَ پیک اپ واھنند یکجاھی نیمگ ءَ چہ دیگ بیتگیں وھد ھلاس نندانک دراجکش کنان ءَ کوسٹل ھائی وے نیلینٹ زیرو پوائنٹ ءَ ھم نندانک داتگ ءُ بند کتگ-

زھرشانی نندانک ءِ سبب ءَ دمگی مساپرانی ھمراھی ءَ چہ ایران ءَ پاکستان ءِ دگہ شھراں رؤکیں دو سد ءَ گیش زائرین ھم گٹ اَنت-

دمگی انتزامیہ ءُ کوسٹ گارڈ واکدار نیمگ ءَ چہ زھرشانی کنوک ءُ زھرشانی ءَ گٹّیں زائریناں دلگوش نہ کنگ ءِ سبب ءَ زائرین پیادگ شتگ ءُ ڈپٹی کمشنر گوادر لوگ ءِ در ٹُکگ ءِ ھاتر ءَ گوادر شھر ءَ سر بیتگ اَنت-

ھمے میان ءَ زائرینانی گوشگ اِنت کہ انتزامیہ نیمگ ءَ چہ بے کمک ءَ یل داتگ اَنت- آئی ءَ گوشتگ کہ دو روچ آ سیمسر ءَ گٹ اَنت ءُ سے روچ ءَ سربندن کراس ءِ بند بیگ سبب ءَ چہ آ سپر کُت نہ کنگ اَنت-

زھرشانی کنوکانی گوشگ اِنت کہ انتزامیہ سنجیدگی ءَ آیانی گپاں گوشدارگ ءَ نہ اِنت سے روچ ءَ چہ ما زھرشانی ئیں بلے انتزامیہ مئے گپ ءَ گوشدارگ ءَ ساڑی نہ اِنت ھمے ھاتر ءَ لاچار بیتگ ءُ سرجمیں شھدگ بند کتگ اَنت-

نندانک زھرشانی کنوکانی گوشگ اِنت کہ دانکہ انتزامیہ گامگیج نہ زور اِیت مئے زھرشانی ءَ نندانک برجاہ بیت ءُ سرجمیں اڑانانی زمہ واری انتزامیہ سر ءَ بیت-