پنجگور ءَ بیگواھیں مردم ءِ یل نہ کنگ ءِ ھلاپ ءَ کھول ءِ دومی روچ ءَ ھم زھرشانی برجاہ

ذاکر دشتی ءِ یل نہ کنگ ءِ ھلاپ ءَ کھول ءِ نندانک داتگ سی پیک شھدگ مروچی دومی روچ ءَ ھم بندیں-

گیشیں ھالانی رِد ءَ بلوچستان ءِ دمگ چہ پنجگور ءَ بیگواہ کنگ بیتگیں ذاکر دشتی کھول ءَ آئی ءِ یل نہ کنگ ءِ ھلاپ ءَ سی پیک دگ سر ءَ نندانک دومی روچ ءَ ھم برجاہ ءَ اِنت چریشی ءِ سبب ءَ گاڑیانی روگ آیگ مھتل بیتگ-

بیگواھیں ذاکر دشتی ءِ کھول ءَ سرادک ءِ ھند سر ءَ سی پیک دگ ھرچ روگ ءُ آیگ ءِ واستا بند کتگ، کھول ءَ ذاکر دشتی ءِ یل نہ کنگ ءِ لوٹ کتگ-

ھمے درگت ءَ زالبول ءُ زھگ ھم ھوار اَنت، کھول رِد ءَ ذاکر دشتی سے روچ ساری سلاہ بندیں مردماں آوار جتگ اَت انتزامیہ ھما روچ ءَ چہ بے تواری زرتگ ءُ ھچ وڑیں پسّہ دیگ ءَ نہ اِنت-

کھول ءَ گْوشتگ اگاں ذاکر دشتی یل کنگ نہ بیت وتی زھرشانی ءَ تُرند کن ایں-