بلوچستان لبریشن فرنٹ ءِ جارکش میجر گْوھرام بلوچ ءَ شنگ کتگیں درشان ءِ تہ ءَ گْوشتگ کہ مئے سرمچاراں کلات ءَ ٹیلی نار ٹاور ءِ سر ءَ تیرگواری کرتگ تباہ کرتگ ءُ درسیں مشین ءُ سامان مانداشتگ اَنت۔
جارکش ءَ گوشتگ کہ دوشمبے، شانزدہ ستمبر ءِ شپ ءِ ھشت ءَ کلات ءِ ھند ھربوئی مرجان ءَ بی ایل ایف ءِ سرمچاراں اے کاروائی کرتگ ءُ پہ سلامتی وتی چیریں جاہ ءَ شتگ اَنت۔
آئی ءَ گوشتگ گوشتگ بی ایل ایف یک سلاہ بندیں گلے ءِ بستار ءَ یک مھکمیں راھبندے دار ایت کہ آ نوکیں دور ءِ لوٹاں شریں وڑے ءَ سرپد اِنت ءُ وتی جنگی نوکیں لوٹانی پارست ءَ ھمگرنچی ءِ جھد ءَ اِنت۔
جارکش ءَ گْوشتگ مرچی نوکیں دور ٹینکالوجی ءِ دور اِنت ءُ بی ایل ایپ ءِ ٹیکٹیکل ٹولی نوکیں ٹیکنالوجی ءِ کارمرز کنگ ءِ نپ ءُ تاوانانی باروا سرجم ءَ سرپد اَنت۔
میجر گْوھرام ءَ گوشتگ کہ بلوچستان لبریشن فرنٹ اے ارش ءِ زمہ واری ءَ من ایت ءُ برجاھیں جھد ءَگڈی آسر ءَ سرکنگ ءِ کول ءَ کنت۔