بلوچ لبریشن آرمی ءِ جارکش جیئند بلوچ ءَ وتی شنگ کتگین درشان ءَ گوشتگ گوستگین روچ ءَ کلات ےَ پاکستانی پوج ءِ یک ٹرکے آئی ای ڈی ءِ نشانگ کتگ کہ چریشی ءَ دشمن ءِ چار کارندہ جاہ پہ جاہ ءَ مرتگ انت ءُ دَہ زدگ بیتگ اَنت-
جارکش ءَ گوشتگ کلات ءِ دمگ نرمک تھت ءِ ھند ءَ بلوچ لبریشن آرمی ءِ سرمچاراں زورگریں پاکستانی پوج ءِ یک ٹرکے ریموٹ کنٹرول آئی ای ڈی ءِ نشانگ کتگ – تراک ءِ آسر ءَ گاڑی سرجم ءَ تباہ بیتگ ءُ ایشی ءَ سواریں کارندھانی توک ءَ چار کارندہ جاہ پہ جاہ ءَ مرتگ انت ءُ کم چہ کم دَہ زدگ بیتگ اَنت ءُ ایشانی توک ءَ سک ءَ ٹپیگ ھم ھوار اَنت-
جارکش ءَ گوشتگ سرمچاراں پوج ھم وھد ءَ نشانگ کتگ کہ دمگ ءَ زوراکی کنگ ءِ بھانگ ءَ بازین گاڑیانی یک کاروانے سر ءُ پراں بیتگ اَنت ءُ اے اُرش ءَ پد دشمن ءَ گنوکائی تیرگواری کتگ ءُ دمگ ءَ آبادی ءِ سر ءَ گولہ آس داتگ ءُ وتی پروش وری پدر کتگ ءُ لس مھلوک ءِ زندمان ناگیگی ءَ پرینتگ انت-
جارکش ءَ گوشتگ مئے گل اے اُرش ءِ زمہ واری ءَ من ایت-