دکی، کوھلو ءَ تیرگواری ءِ وئیل ءَ زھگ بیران ءُ زالبولیں ڈاکٹرے ٹپی

بلوچستان ءِ دمگ دکی سلاہ بندیں مردمانی تیرگواری ءَ چہ زالبولیں ڈاکٹرے ٹپی بیتگ-

پولیس رِد ءَ گوستگیں روچ ءَ دکی ءَ یک پرائیوٹ کلینک ءَ سلاہ بندیں مردماں تیرگواری کتگ زالبولیں ڈاکٹر ساجدہ ٹپی کتگ ءُ تتکگ اَنت-

ٹپی ئیں ڈاکٹر سول نادُراھجاہ دکی ءَ برتگ پولیس رِد ءَ تیرگواری دو سلاہ بندیں پرپٹ سواراں کتگ وھدے کہ ٹپی ڈاکٹر ءِ گْوشتگ اِنت کہ چلگی ءِ درگت ءَ نادُراہ ءِ لوگ واجہ ءَ تیرگواری کتگ چریشی ءَ آ ٹپی بیتگ-

ینگ ڈاکٹرز ایسوسی ایشن بلوچستان ءَ شنگ کتگیں درشان ءِ تہ ءَ گْوشتگ کہ ڈسٹرکٹ شیرانی ءَ ڈاکٹر سر ءَ لیویز کارمندانی اُرش ءِ تُرندیں ءَ گوں ایر کتگ، ڈپٹ کمشنر ءِ اے رویشگ ءُ کانودی کاروائی ءِ نہ کنگ ءِ نابودی ءِ پدر اِنت، سر وزیر بلوچستان ءُ چیف اسیکرٹری وئیل ءَ گامگیج بزور اَنت، آؤکیں چل ھشت کلاکانی تہ ءَ ھواریں میاربارانی ھلاپ ءَ کانودی کاروائی گامگیج زیرگ نہ بیتگ گُڑا سرجمیں بلوچستان ءَ زھرشانی ءِ جار ءَ جن ایں چریشی ءِ زمہ وار ڈپٹی کمشنر سر ءَ بیت-

آئی ءَ گْوشتگ کہ اے اُرش تھنا یک پردے ءِ سر ءَ نہ اِنت، بلکیں سرجمیں جانسلامتی مردم ءُ کانود ءِ واکداری سر ءِ اُرش اِنت- اے وئیل ءَ ھوار کارمندانی ھلاپ ءَ زوت تُرندیں گامگیج ءُ کانودی ءِ کاروائی لوٹ کن ایں-

واکدار ءَ چہ لوٹ کن ایں کہ آ وئیل گوں سنجیدگی ءَ بزور اَنت ءُ لیویز کارمندانی ھلاپ ءَ کانودی کاروائی ءَ باور بہ کنائین اَنت ءُ جانسلامتی ءِ ھمگرنچیں مردماں پھازی ءَ باور بہ کنائین اَنت-

ھمے وڑ کوھلو ءَ ناشناسیں مردمانی تیرگواری ءَ چہ یک چکے بیران ءُ دومی ٹپی بیتگ-

لیویز رِد ءَ کوھلو ءِ دمگ تھسیل کاھان ءَ برجاھیں یک لوگے سر ءَ ناشناسیں مردماں تیرگواری کتگ چریشی ءَ سے سالی ئیں چُکے بیران وھدے کہ یک مردمے ٹپی بیتگ آ پہ الاج ھاتر ءَ نادُراھجاہ ءَ برگ بیتگ اَنت گیشیں چار ءُ ٹپاس برجاہ اِنت-