بلوچستان لبریشن فرنٹ ءِ جارکش میجر گوھرام بلوچ ءَ وتی شنگ کتگیں درشان ءَ گوشتگ سرمچاراں بارکان، تربت ءُ زمران سے جتائیں ارشاں موبائل ٹاور ءُ زورگریں لشکر نشانگ کرتگ اَنت۔
جارکش ءَ گوشتگ ھپت ستمبر ءَ بیگاہ ءِ چار ءَ سرمچاراں بارکان ءِ ھند مری وال ءَ مکیں یوپون شرکت ءِ موبائل ٹاور ءِ سر ءَ ارش کرتگ ءُ مشین ءُ ساماناں ھوار تباہ کرتگ۔
میجر گوھرام بلوچ ءَ گوشتگ دگہ یک ارشے ءَ سی اگست ءِ شپ ءَ ھشت ءَ تربت آپسر دکی بازار ءَ برجاھیں ایپ سی ءِ پانگس گوں دستی بمب ءَ نشانگ کرتگ۔ ارش ءَ ایپ سی ءِ دو کارمند ٹپی بوتگ۔
جارکش ءَ گوشتگ سیمی اُرش ءَ سرمچاراں زامران ءِ ھند دشتک ءَ پاکستانی لشکر ءِ نیمگ ءَ جتگیں دامگ ( وائی پائی) ٹاور گوں تیرگواری ءُ ماندارگ ءَ تباہ کرتگ۔ وھدیکہ ٹاور ءِ سولر ءُ بیٹری سسٹم گوں وت برتگ اَنت۔
میجر گوھرام بلوچ ءَ گوشتگ بلوچستان لبریشن فرنٹ ءِ مول یک آجوئیں بلوچستانے ءِ گرگ اِنت، پہ اے مول ءَ بی ایل ایف سلاہ بندیں جھد ءِ پارست ءَ ریاست پاکستان ءِ لشکری کارمند، لشکری شوربندی، رھواتی نزام ءَ نشانگ کنت ءُ ریاست ءَ تاوان دیگ ءَ اِنت۔ بی ایل ایف ءَ سرجم ءَ بلوچ راج ءِ پلہ مرزی گون اِنت ءُ راج ءِ کمک ءَ گل برجاہ ءُ مھکم اِنت۔
جارکش ءَ گوشتگ بی ایل ایف اے سے ئیں ارشانی زمہ واری ءَ من ایت ءُ داں بلوچستان ءِ آجوئی ءِ گرگ ءَ ارشانی برجاہ دارگ ءِ کول ءَ کنت اِنت۔