آئی ایس آئی ءِ دلارے ءِ، تو اسل بلوچے نہ ئے- استانی وزیراں یک دومی تُرندیں لبزاں کارمرز کتگ-
گیشیں ھالانی رِد ءَ دوشمبے ءِ روچ ءَ بلوچستان اسمبلی ءِ دیوان وھد ءَ چہ پنجگور ءَ سیادی داروکیں بلوچستان نیشنل پارٹی عوامی ءِ وزیر ءُ راھشون اسد اللہ بلوچ ءُ پیپلز پارٹی ءِ وزیر علی مدد جتگ ءِ میان ءَ یک دومی گوں تُرندیں لبز کارمرز کنگ بیتگ-
اسمبلی تہ ءَ اسد بلوچ ءَ ھکومتی باسکانی سر ءَ ایرجنی میان ءَ پیپلزپارٹی ءَ علی مدد جتگ ءَ اسد اللہ بلوچ ءَ گوشتگ کہ تو اسل بلوچے نہ ئے ترا وتی ڈی این اے کنگی اِنت-
علی مدد جتک ءَ اے لبزانی پسّہ ءَ بی این پی عوامی ءِ راھشون آئی ءِ سر ءَ پاکستانی پوج ءُ آئی ایس آئی دلار بھتام جتگ چریشی ءَ پد اسمبلی ءَ ساڑی ئیں آ دگہ وزیراں گیشگیواری کتگ ءُ بے توار کنائینتگ اَنت-
زانگ بہ بیت کہ بلوچستان اسمبلی ءَ ھمکروچ وزیرانی میان زاہ ءُ بد جاک کورکار وئیل دیم ءَ کاینت اشی ءَ ساری پیپلز پارٹی ءِ علی مدد جتگ ءُ جماعت اسلامی ءِ چہ گوادر ءَ نوکیں گچین بیتگیں ایم پی اے مولانا ھدایت الرحمان میان ءَ تُرندیں لبز کارمرز کنگ بیتگ-