پیپلز یونائیٹڈ ریوولیوشنری مومنٹ ءَ استنبول ءَ یک اُرشے ءَ شیلہ پلازہ ءَ سروس گاڑی نشانگ کتگ ءُ سرجمیں پلازہ مانداشتگ-
ترکش میڈیا ءِ رد ءَ سلاہ بندین مردم سرکار ءِ یک ماڑی ءَ پترتگ ءُ اود ءَ جاڑیگیں گاڑی ءُ دگہ مواد اش تباہ کنگ ءَ پد پشت ات مانداتگ ءُ شتگ اَنت-
کرد ءُ ترک راستیں دست ءِ ٹولی ءِ ھمسنت “ ایچ بی ڈی ایچ” ءِ نیمگ ءَ شنگ بیتگیں درشان ءَ گل ءِ نیمگ ءَ ات آپریشن ءِ زمہ واری منان ءَ گوشگ بیتگ کہ اے گپ تچک کنگ بیتگ کہ اے کاروائی ریاستی زوراکی ءُ کرد رھشون عبداللہ اُجلان ءِ دزگیری ءِ ھلاپ ءَ آئی ءِ گھگیری ءِ بھر اِنت-
اے ٹولی ءَ تچک ءَ اے اُرش بلوچستان ءَ پرکاریں سلاہ بندیں گل بلوچ لبریشن آرمی ءِ نام ءَ نامینتگ ءُ بلوچ لبریشن آرمی ءِ فدائی ماھل بلوچ پناک ءِ زیلان کرد ءُ رضوان بلوچ پنام ءِ ھمل ءِ دیمھونیاناں ستاشانی کتگ-
پیپلز یونائیٹڈ ریوولیوشنری مومنٹ ءِ اے آپریشن یک ھنچیں وھدے ءَ دیم ءَ اتکگ کہ گوستگیں ماہ ءَ بلوچ لبریشن آرمی ءِ یک ترندیں آپریشنے ءَ بلوچستان ءَ آپریشن ھیروپ ءِ درچ ءَ پاکستانی پوج ءُ آئی ءِ کارشون نشانگ کنگ بیتگ اَنت-
اے اُرش ءَ بھر زیروکانی تہ ءَ فدائی رضوان بلوچ ءُ زالبول فدائی ماھل بلوچ پنام ءِ زیلان کرد ھوار بیتگ اَنت- بلوچ آرمی ءِ رد ءَ ماھل طلوچ زیلان کرد ءِ نام گچینی کرد آجوئی لوٹوک زینپ کناسی ءَ سانمندی ءَ پہ وت گچین کتگ-
زانگ بہ بیت پیپلز یونائیٹڈ ریوولیوشنری مومنٹ کرد ءُ ترکش راستیں دست ٹولی یک ھمستنی ءَ ترکی ءَ ھوار شام ءُ عراق ءَ پرکاریں کرد آجوئی لوٹوکیں پاٹی ءُ ترکی ءِ راستیں دست ءِ سوشلسٹ گل ھوار اَنت-