روکپتی بلوچستان ءِ ھواریں دمگ زابل ءَ ناشناسیں مردماں تیرگواری کنان ءَ یک مردمے کُشتگ –
وئیل زابل ءِ ھند ھسن آباد ءَ پیش اتکگ کہ اود ءَ ناشناسیں مردماں تیرگواری کتگ ءُ یک مردمے کُشتگ –
تیرگواری ءَ کُشگ بیتگیں مردم ءِ پجار زانگ نہ بیتگ ءُ نانکہ کوشکار زانگ بیتگ اَنت-
اھوالانی رد ءَ گوستگیں شپ ءَ ناشناساں یک گاڑی ءِ سر ءَ تیرگواری کتگ ءُ چریشی ءَ چہ یک مردمے بیران بیتگ-
زانگ بہ بیت زابل ءَ گیشتریں جھمنندیں مردم بلوچ اَنت کہ اود ءَ ایشی ءَ پیش ھم کوشکاری ءِ اھوال دیم ءَ اتکگ بیتگ اَنت-