بلوچستان ءِ جتاجتائیں دمگاں تیرگواری دگہ وئیلانی آسر ءَ پنچ مردم بیران بیتگ اَنت

بلوچستان ءِ جتاجتائیں دمگ پنجگور، ھُزدار، چمن ءُ جیکب آباد ءَ تیرگواری ءُ دگہ وئیلانی آسر ءُ پنچ مردم بیران بیتگ اَنت-

گیشیں ھالانی رِد ءَ پنجگور ءَ ناشناسیں سلاہ بندیں مردماں تیرگواری کتگ ءُ پولیس سب انسپکٹر کشتگ-

تیرگواری ءِ وئیل پنجگور ءِ دمگ چتکان ءَ بیتگ-

اِھوالکار رِد ءَ ناشناسیں سلاہ بندیں پرپٹ سواراں پولیس ءِ گشتی ٹولی سر ءَ تیرگواری کتگ چریشی ءِ آسر ءَ پولیس سب انسپکٹر شکیل احمد بیران بیتگ-

ھمے وڑ چمن ءَ تیرگواری ءَ چہ شانزدہ سالی ئیں ورنایے کشگ بیتگ، کھول ءَ لاش بُنجاھی شھدگ سر ءَ ایر کتگ زھرشانی کتگ، ورنا توبہ اچکزئی ءَ تیرگواری کنگ ءُ کُشگ بیتگ، کوش ءِ ھلاپ ءَ کھول ءَ چمن پاک اوگان سیمسر شھدگ سر ءَ لاش ایر کتگ ءُ زھرشانی کتگ-

ھمے وڑ ھُزدار ءِ تھسیل وڈھ دراکھالہ ءِ نزیک ءَ مزدا ٹرک ءِ ٹکر جنگ ءَ چہ پرپٹ سوار دو مردم بیران بیتگ اَنت، بیران بیتگیں دوئیں مردمانی سیادی وڈھ دمگ چہ لوپ ءَ بیتگ کہ آیانی پجّار منیر احمد ءُ علی محمد نام ءَ چہ بیتگ اَنت-

ھمے وڑ جیکب آباد نزیک ءَ دوداپور دمگ ءَ لوگ ءَ لین ءِ بورڈ جوڑ کنگ کرنٹ لگگ ءَ چہ ھژدہ سالی ئیں ورنا علی نواز مغیری بیران بیتگ، ورنا ءِ لاش نادُراھجاہ ءَ برگ ءَ پد اود ءَ لاش کھول ءِ دست ءَ داتگ-