کلات ءَ پاکستانی پوج ءَ کلیئرنس آپریشن ءَ دو سلاہ بندیں مردمانی کُشگ ءِ ٹاہ داتگ

بلوچستان ءِ دمگ کلات ءَ پاکستانی پوج ءَ بیڑ بران ءَ دو مردمانی جنگ ءِ ٹاہ داتگ-

پوج ءِ جارکش ( آئی ایس پی آر) ءِ رد ءَ پوج ءَ شش ءُ ھپت ستمبر ءِ میانی شپ ءَ کلات ءَ سلاہ بندیں مردمانی جاڑیگ بوگ ءِ اھوال ءِ سر ءَ آپریشن کتگ-

آئی ایس پی آر ءِ رد ءَ ترندیں تیرگواری ءَ پد دو سلاہ بند جنگ بیتگ اَنت ءُ دمگ ءَ کلیئرنس آپریشن برجای اِنت-

زانگ بہ بیت گوستگیں بیگاہ ءَ بلوچستان ءِ دمگ پشین ءَ مھکمہ انسداد دھشت گردی ( سی ٹی ڈی) ءَ کاروائی کنان ءَ سلاہ بندین مردمانی پنچ مردمانی کُشگ ءِ ٹاہ داتگ-

سی ٹی ڈی ءِ رد ءَ پشین ءَ کاروائی ءَ اھمد اللہ پنام علی بدری، اھسان اللہ پنام ءِ متوکل پنام ءِ ھامد سمیع اللہ ءَ ھوار دو مردم پوج ءِ دیم پہ دیمی جنگ ءَ کشگ بیتگ اَنت-

زانگ بہ بیت بلوچستان ءَ سی ٹی ڈی ءِ کاروائی شکی بیتگ اَنت گوست ءَ پاکستانی پوج ءُ سی ٹی ڈی ءَ دیم پہ دیمی میڈیا ءُ دگہ اھوالانی درچ ءَ دروگ بیتگ انت کہ بازینانی پجار بیگواھیں بلوچانی نام ءَ پجار ءُ لھتے نیکراھی ٹولیانی درچ ءَ پجار بیتگ اَنت-