مشھد: ھبدہ روچ ءَ پد بیگواھیں ورنا یل نہ بیتگ

ایران ءِ اُستان مشھد ءَ ایرانی لشکر ءِ دست ءَ بیگواہ بیتگیں ورنا داں انگت ءَ یل نہ بیتگ-

ھبدہ روچ ءَ پیش ایرانی لشکر ءَ ھارس بردبار ء نادر جھمنند کَوَش سربزء سرھس ھراسان رضوی ءِ آوار جتگ ءُ بیگواہ کتگ-

ھارس ءِ کھول ءِ گوشگ انت ھارس گوستگیں ھبدہ روچ ءَ پیش ایرانی چیریں لس پوشاکی گدانی کارمنداں آوار جتگ ءُ برتگ پد ءَ آئی ءِ درگت ءَ ھال دیگ نہ بیتگ –

کھول ءَ گوشتگ مارا ھارس ءِ بارو ءَ ھچ ھال نیست ءُ آ چتور اِنت ءُ آئی ءِ درگت ءَ مارا ھال دیگ بہ بیت اِنت-

زانگ بہ بیت روکپتی بلوچستان ءَ ھوار ایرانی دگہ جاھاں ھم بلوچ ورنا آوار جنی ءِ آماچ بوگ ءَ اَنت-

اے آوار جنی گوستگیں یک سالے ءِ توک ءَ ایشانی توک ءَ گیشی گندگ آیگ بوگ ءَ اِنت-