بلوچستان ءِ دمگ پشین ءَ سی ٹی ڈی ءَ بیڑبرتگ سلاہ بندیں گل ءِ پنچ مردم ءِ جنگ ٹاہ داتگ-
سی ٹی ڈی رِد ءَ گوستگیں روچ ءَ سی ٹی ڈی ءَ ھال سر بیتگ کہ ٹی ٹی پی ءَ سیادی داروکیں پنچ شارپ شوٹر پشین ءِ دمگ سرخاب مھاجر کیمپ ءَ بیڑبرگ ءِ شوربندی ءَ کنگ بیتگ اَنت-
آئی ءَ ٹاہ داتگ کہ ھال رسگ ءَ سی ٹی ڈی ءَ دمگ انگر ءَ کتگ شکی ئیں مردم سلاھانی دور دیگ کڈن کتگ اَنت کہ آیاں سی ٹی ڈی ٹولی سر ءَ تیرگواری بندات کتگ-
چریشی ءَ سی ٹی ڈی ءِ پسّھی تیرگواری ءَ پنچیں شکی ئیں مردم احمد اللہ پنّام ءِ الی پنّام ءِ بدری جھمنند بولدک اوگانستان، احسان اللہ پنّام ءِ متوکل پنّام ءِ حامد جھمنند پشین، سمی اللہ جھمنند پشین ءُ آیانی دو ھمراہ کُشگ بیتگ اَنت-
سی ٹی ڈی واکدار رِد ءَ کشگ بیتگیں شکی ئیں مردمانی گور ءَ یک ایس ایم جی، یک سی بور ٹی ٹی وتاس، دو نائن ایم ایم وتاس، تیر، دو دستی بمب، یک آئی ڈی، چار کلو شورو، پرائما کارڈ ءُ یک پرپٹے دزکپتگ اَنت –
زانگ بہ بیت بلوچستان ءَ سی ٹی ڈی ءِ بیڑ شکی بنت، گوستانک ءَ سی ٹی ڈی ءِ میڑ رسانکدر ءَ گہ اِھوالکاراں چہ دروگ پدر بیتگ اَنت-
اے بیڑاں گیشتر جنگ بیتگیں مردمانی پجّار بیگواھیں بلوچاں چہ بیتگ اَنت وھدے باز وھد ءَ نیکراھی گلانی بندیگیں مردمانی جنگ ءِ منانک ھم دزکپتگ اَنت-